أردوُغان ینگ قطر، سوریه و لیبی باراسینداقی أهمیتلی سؤزلری

تۆرکیأنینگ جمهورباشلیغی رجب طیب أردوُغان تۆرکیأنینگ قطردأکی حاربی بارلیغی نینگ بۆتین بؤلگأنینگ دورنوقلیلیغینا و پاراحاتچیلیغینا حیذمات ادیأندیگینی بِلله دی.

أردوُغان قطرده انگلیس دیلینده یایلیما بریلیأن "The Peninsula"  آدلی قازده برن بیاناتیندا، تۆرکیأنینگ و قطرینگ چونگ تاریحی، مدنی و انسان پرور قاتناشیقلارا ایه ایکی دوُغان یورتدیغینی، ایکی یوردونگ آراسینداقی ایقدیصادی، صناغات، قوُرانیش حوُوپسوزلیق، مایاقوُیوم و انرژی اوغورلارینا چنلی اوزاپ گیدیأن کؤپ تاراپلایین استراتژیک قاتناشیقلارینگ باردیغینی آیتدی.

تۆرکیأنینگ قطردأکی حاربی بارلیغی نینگ دینگه دوُغانلیق قطرینگ دأل، ایسه م پارس آیلاغی بؤلگه سی نینگ دورنوقلیلیغینا و پاراحاتچیلیغینا حیذمات ادیأندیگینی آیدان أردوُغان، "دارتغینلیق دؤره تمه ک ایسله یأن تاراپلاردان داشاری هیچ کیم، تۆرکیأنینگ و تۆرک عسگرلری نینگ پارس آیلاغی بؤلگه سیندأکی بارلیغیندان بینجالیق بوُلمالی دألدیر" دیدی.

أردوُغان تۆرکیأنینگ سوریه بیلن باغلی سیاساتی و ترورچیلیغا قارشی گؤره شی بیلن باغلی سوُراغا، تۆرکیأنینگ سوریأنینگ توُپراغیندا همیشه لیک قالماجاقدیغینی، هیچ کیمینگ توُپراغیندا گؤزۆنینگ بوُلماندیغینی حابار بردی.

"دارتغینلیق همیشه لیک حأصیه تده چؤزۆلن ماحالی، بیزینگ هم سوریه دأکی بارلیغیمیز بس ادیلر" دییپ بِللأن أردوُغان، تۆرکیأنینگ أهلی ترور قورماالارینا قارشی توتان یرلی گؤره ش آلیپ باریاندیغینی عایان اتدی.

پرزیدنت أردوُغان لیبی بیلن باغلانشیقلی بوُلسا، بو یورتدا قانونی حأکیمیه تینگ اۆستۆنلیک قازانجاقدیغینی، یاراغلی آداملارینگ اوتولجاقدیغینی نیغتادی و "تۆرکیأنینگ ادیأن تاغاللالاری بیلن میداندا یوُلا قوُیولان آسودالیغینگ سایاسیندا اوُرتادا بیر پورصات بار. هم لیبی نی هم ده بؤلگأنینگ پاراحاتچیلیغینی و آسودالیغینی قوُراجاق بو پورصات یرسیز یره صارپ ادیلمه لی دأل" دییپ بِلله دی.