أردوُغان اوروپا بیله له شیگی نینگ یوُلباشچیلارینا و یورتلارینگ باش توتانلارینا حاط اوغراتدی

تۆرکیأنینگ جمهورباشلیغی، تۆرکیأنینگ گۆن دوُغار آق دنگیزدأکی سیاساتی بارادا حاط یازدی

1500173
أردوُغان اوروپا بیله له شیگی نینگ یوُلباشچیلارینا و یورتلارینگ باش توتانلارینا حاط اوغراتدی

 

تۆرکیأنینگ جمهورباشلیغی رجب طیب أردوُغان اوروپا بیله له شیگی نینگ دۆزۆملری نینگ یوُلباشچیلارینا و آغضا یورتلارینگ یوُلباشچیلارینا حاط یازیپ، تۆرکیأنینگ گۆن دوُغار آق دنگیز مسئله سینه بوُلان قاراییشینی و مسئله لر بوُیونچا چؤزگۆت تِکلیپلرینی بیان اتدی.

أردوُغان حاطیندا "گۆن دوُغار آق دنگیز بوُیونچا سیاساتیمیزینگ ایکی ماقصادی بار. بیرینجیسی؛ گۆن دوُغار آق دنگیزده دنگیز ایغتیار گینگیشلیگی نینگ حالقارا حقوغا لاییقلیقدا، عادالاتلی و دنگ درجه لی کسگیتلِنمه گی و فلات قاره اؤزایغتیارلیغیمیزینگ و حقوقلاریمیزینگ قوُرالماغی. ایکینجی ماقصادیمیز بوُلسا قبرس تۆرکلری نینگ قبرس آداسی نینگ دنگ درجه لی شأریگی حؤکمۆنده، آدانینگ هیدروکربن چشمه لریندن آلمالی حاقینی کِپیللِندیرمه‌ک. یونان بیلن دیالوگا شرطسیز باشلاماغا طایاردیغیمیزی ینه بیر گِزه ک آیداسیم گلیأر. شوُل چأکده دارتغینلیغینگ آزالدیلماغی اۆچین ناتو نینگ یوُلباشچیلیغیندان دنگیز و هوُوا اولاغلارینی تاپاووتلاندیرماق اوغرونداقی باشلانغیجینا هم باشیندان بأری قوُلداو بریأندیگیمیزی اۆنسۆنگیزه یتیریأریس" دییپ یازدی.

پرزیدنت أردوُغان اوروپا بیله له شیگی نینگ یونان و قبرس ینگ یونان دوُلانشیغیندان داشغاری آغضالارینا اوغرادان حاطدا، گۆن دوُغار آق دنگیز مسئله سینه عادالاتلی و پاراحاتچیلیقلی چؤزگۆت تاپماغینگ هممه لر اۆچین جوُغاپکأرچیلیکدیگینی نیغتاپ،

"شوُنونگ اۆچین حیذماتداشلیق و دیالوگ قوُلدانمالی، بار بوُلان دۆشنۆشمِزلیگی حاص هم آغیرلاشدیرجاق باشلانغیچلاردان قئرا دورولمالی. بیزینگ ایچگین آرزوومیز 18-نجی مارت دا قازانیلان ایلالاشیغینگ حأضیرکی شرطلره لاییقلیقدا اؤزگِردیلمه گی و تۆرکیه- اوروپا بیله له شیگی قاتناشیقلاری نینگ أهلی تاراپلایین عمومی بأحبیتلریمیزه لاییقلیقدا اؤسدۆریلمه گی. اوُنونگ یوُلی بوُلسا گؤچ ادیلشیک، ترورچیلیق مسئله سی، سؤودا، انرژی یالی انچمه اوغوردا قاتناشیقلاریمیزینگ بأحبیتلریمیز تایدان ایه بوُلان أهمیتینه گؤز یتیرمِکدن گچیأر. شوُل ماقصادا لاییق قوُلداوینگیزا قاراشیارین" دیدی.



دِگیشلی حابارلار