بورل: تۆرکیه بیلن جدِللـه‌شمه‌ک چؤزگۆت گتیرمه‌ر

تۆرکیه اوروپا بیله له شیگی نینگ أهمیتلی شأریگیدیر

1491025
بورل: تۆرکیه بیلن جدِللـه‌شمه‌ک چؤزگۆت گتیرمه‌ر

 

اوروپا بیله له شیگی نینگ داشاری قاتناشیقلار و حوُوپسوزلیق سیاساتلاریندان جوغاپکأر وکیلی جوزف بورل تۆرکیه بیلن جدِللـه‌شمه‌گینگ اوروپا بیله له شیگی بیلن تۆرکیه آراسینداقی قاتناشیقلاردا بوُلان مسئله لره چؤزگۆت گتیرمه‌جکدیگینی آیتدی و مسئله لرینگ دیالوگ و گپله شیک بیلن چؤزگۆده قوُوشوریلجاقدیغینی نیغتادی.

بورل اوروپا پارلمانیندا گۆن دوُغار آق دنگیز و تۆرکیأنینگ ایچیندأکی داشاری قاتناشیقلار مسئله لریندأکی عمومی ماصلاحاتدا وکیللره چیقیش اتدی.

گۆن دوُغار آق دنگیزده دارتغینلیغی آزالتماق اۆچین توُموس آیلاریندا تاغاللا ادندیگینی آیدان بورل، تاغاللالارینگ یوُقارلادیلماغی نینگ حؤکمأنی بوُلاندغیینی نیغتادی.

بورل، اوروچ رئیس گأمیسی نینگ آنتالیا گتیریلمه گینی "دوُغری ایش" دییپ حأصیه‌تلِندیردی و

"بو دا بیزه دیالوگ اۆچین کؤپرأک تاغاللا ادیلمه گینی اومیت اتدیریأر. مونی حاربی یوُللاردان دأل، دیالوگ بیلن چؤزگۆده قوُوشوراریس" دیدی.

تۆرکیأنینگ اوروپا بیله له شیگی نینگ أهمیتلی بیر قوُنگشیسی بوُلاندیغینی آیدان بورل،

"جغرافیامیزی اۆیتگه‌دیپ بیلمأنیمیز اۆچین قوُنگشی بوُلماغا دوُوام ادریس. تۆرکیه گؤچ ادیلشیک مسئله سی باشدا بوُلماق بیلن کؤپ سانلی اوغوردا بیزینگ أهمیتلی شأریگیمیز. بوُسغون مسئله سینی تۆرکیأنینگ یاردامی بوُلمانی چؤزمه گینگ قین بوُلاندیغینی بیلیأریس. تۆرکیه شوُل بیر واغتدا دا اوروپا بیله له شیگینه آغضالیق اۆچین دالاشگأر بیر یورت" دیدی.



دِگیشلی حابارلار