میللی حوُوپسوزلیق گنگه‌شی نینگ ماصلاحاتی گچیریلدی

میللی حوُوپسوزلیق گنگه‌شی نینگ ماصلاحاتی أردوُغان ینگ یوُلباشچیلیغیندا گچیریلدی

1428522
میللی حوُوپسوزلیق گنگه‌شی نینگ ماصلاحاتی گچیریلدی

 

میللی حوُوپسوزلیق گنگه شی نینگ ماصلاحاتی دۆین تۆرکیأنینگ جمهورباشلیغی رجب طیب أردوُغان ینگ یوُلباشچیلیق اتمه گینده گچیریلدی.

ماصلاحاتینگ جِمله‌ییجی جارناماسیندا تۆرکیأنینگ ترورچیلیغا قارشی گؤره‌شی نینگ توتان یرلیلیک بیلن دوُوام اتجکدیگی نیغتالدی.

جارنامادا "یوردومیزینگ قوری یر، دنگیز و هوُواداقی أهلی حقوقلاری نینگ و بأحبیتلری نینگ قورالیپ ساقلانماغی اۆچین آصلا اِگیلشیک ادیلمز" دییلدی.

جارنامادا تۆرکیأنینگ میللی جبیسلیگینه، بیتولیگینه و آرقالاشیغینا حوُوپ سالیان پ. ک. ک/ ک. ج. ک- پ. ی. د/ ی. پ. گ، داعش و فتؤ یالی ترور قورامالاری نینگ باشدا دورماغیندا أهلی ترور ایشلرینگ هم گۆیچلی دپگینده دوُوام اتکجدیگی یاتلادیلدی.

جارنامادا تۆرکیأنینگ آق دنگیزدأکی أهلی حقوقلارینی و بأحبیتلرینی قوراماغا دوُوام اتجکدیگی نیغتالدی و تۆرکیأنینگ بیرلشن میللتلر قوراماسی تاراپیندان ایقرار ادیلن میللی حؤکۆمتینگ لیبی نینگ سیاسی جبیسلیگی نینگ و توپراق بیتولیگی نینگ قورالیپ ساقلانماغینا قوُلداو برجکدیگی یاتلادیلدی.

جارنامادا شیله هم حالقارا درجه سینده حوُوپلی بولان تأزه گؤرنۆشلی کروناویروس اپیدمیسینه قارشی گؤره شیأن تۆرکیأنینگ ساغلیغی قوراییش، آذیق و تکنولوژی پوداغی نینگ ایقدیصادیه تینگ و حوُوپسوزلیغینگ باشدا دورماغیندا أهلی اوغوردا قازانیان اۆستۆنلیگینه آیراتین اۆنس چکیلدی.



دِگیشلی حابارلار