أردۇغان پأکیستانا گیتدی

دوشوشیقلاردا اؤزآرا و حالقارا مسئله لر حاقیندا پیکیر آلیشیلار

أردۇغان پأکیستانا گیتدی

 

تۆرکیأنینگ جمهورباشلیغی رجب طیب أردۇغان تۆرکیه- پأکیستان یۇقاری درجه لی استراتژیک حیذماتداشلیق گنگه شی نینگ ۶-نجی ماصلاحاتینا قاتناشماق ماقصادی بیلن پأکیستانا گیتدی.

أردۇغان "تور" آدینداقی حصوصی اوچار بیلن ساغات ۱۰-دا تۆرکیه دن پأکیستان ینگ پایتاغتی اسلام آبادا گیتدی.

أردۇغان بیلن عایالی امینه أردۇغان-ی، داشاری ایشلر وزیری مولود چاووش اۇغلی، انرژی و طبیغی سریشده لر وزیری فاتیح دؤنمز، غازنا و مالیه وزیری برات آل بایراق، سؤودا وزیری روحسار پک جان، قاتناو و اساسی قورلوشیقلار وزیری محمت جاهید تورحان، آراقاتناشیق اداراسی نینگ باشلیغی فخرالدین آلتون و جمهورباشلیغینگ مطبوغات گنگه شچیسی ابراهیم قالین دا اسلام آبادا گیتدی.

أردۇغان بیلن پأکیستان ینگ باش وزیری عمران خان ینگ یۇلباشچیلیغیندا ایکی یوردونگ وزیرلری نینگ قاتناشماغی بیلن تۆرکیه- پأکیستان یۇقاری درجه لی استراتژیک حیذماتداشلیق گنگه شی نینگ ۶-نجی ماصلاحاتی گچیریلر.

بو ماصلاحاتدا دۆرلی ایلالاشیق شرطنامالارینا قۇل چکیشیلر.

تۆرکیأنینگ جمهورباشلیغی، پأکیستانلی ایشدشی عارف علوی بیلن ده دوشوشار.

دوشوشیقلاردا اؤزآرا و حالقارا مسئله لر حاقیندا پیکیر آلیشیلار.

أردۇغان ۲ گۆنلۆک بو رسمی ساپاریندا پأکیستان ینگ میللی مجلیسی و سنا مجلیسی نینگ اۇرتاق اۇتورشیغیندا دا بیانات برر.



دِگیشلی حابارلار