آلبانیادا بالکان بارلاغلار مرکزی آچیلدی

چاووش اۇغلی آلبانیادا دوشوشیقلار گچیردی

آلبانیادا بالکان بارلاغلار مرکزی آچیلدی

تۆرکیأنینگ داشاری ایشلر وزیری مولود چاووش اۇغلی آلبانیانینگ پایتاغتی تیرانادا تۆرکیأنینگ مغاریپ (معارف) غازناسی نینگ نیویورک تیرانا آدینداقی بیلیم یوردونینگ بالکان بارلاغلار مرکزی نینگ آچیلیش داباراسینا قاتناشدی.

چاووش اۇغلی دابارادا ادن چیقیشیندا، بو مرکزینگ تۆرکیه بیلن آلبانیانینگ آراسینداقی دۇغانلیق قاتناشیقلاری نینگ سمبلی بۇلجاقدیغینی یاتلاتدی و بو مرکزینگ بالکان تاریحی، ادبیاتی، مدنیت و سیاساتی بیلن باغلانشیقلی بارلاغلار آلیپ بارجاقدیغینی بیلدیردی.

تۆرکیه اۆچین بالکان بؤلگه سی نینگ أهمیتینه اۆنس چکن چاووش اۇغلی آلبانیا بیلن تۆرکیأنینگ ناتودا حیذماتداش بۇلاندیقلارینی و بو ایکی یورت آراسینداقی قاتناشیقلارینگ اؤسیأندیگینه اۆنس چکدی.

چاووش اۇغلی برن بیاناتیندا ۲۶-نجی نوامبردا آلبانیادا بۇلان یر تیتره مه سی سبأپلی دویغوداشلیق بیلدیردی و تۆرکیأنینگ آلبانیا کؤمِک برن ایلکینجی یورتلارینگ آراسیندا بۇلاندیغینی آیتدی.

چاووش اۇغلی آلبانیادا تۆرک رایاتلاری و ایشه‌وۆر آداملار بیلن ده دوشوشیق گچیردی.


اتیکتلر: بالکان , آلبانیا

دِگیشلی حابارلار