فواد اۇکتای: تۆرک عسگری سوریه دأکی ادلب شهرینده قالماغا دۇوام ادر

تۆرکیه دن شهیت عسگرلر باراسیندا بیانات بریلدی

1356746
فواد اۇکتای: تۆرک عسگری سوریه دأکی ادلب شهرینده قالماغا دۇوام ادر

 

تۆرکیأنینگ جمهورباشلیغی نینگ اۇرونباساری فواد اوکتای تۆرک قشونی نینگ سوریأنینگ ادلب شهرینده قالماغا دۇوام اتجکدیگینی و حالقارا حقوغی باسغیلایانلارا جۇغاپ برمأگه دۇوام اتجکدیگینی آیتدی.

اوکتای توییتردان ادلب ده رژیم گۆیچلری نینگ تۇپ آتووی نیتجه سینده ۵ عسگرینگ شهیت بۇلاندیغینی و ۵ عسگرینگ ده یارالاناندیغینی آیتدی.

ادلب ده یاشایاییجیلارینگ حۇوپسوزلیغینی برجای اتمه ک و بۇلیان انسانلیق پاجیغالاری نینگ اؤنگۆنه گچمه ک اۆچین ایشینه دۇوام ادیأن تۆرک قشونینا قورالان هۆجۆمده شهیت بۇلانلارا آلله دان رحمت دیله یأن و یارالیلارا بجرگی آرزوو ادیأن اوکتای،

"یاراغلی گۆیچلریمیزی نیشان آلانلارا دنگ آغراملی یاغدایدا جۇغاپ بریلندیر. عسگریمیز بؤلگه ده بۇلماغا دۇوام ادر و حالقارا حقوغی باسغیلایانلارا گِره‌کلی جۇغابی برمأگه دۇوام ادر" دیدی.

تۆرکیأنینگ بیک میللت مجلیسی نینگ باشلیغی مصطفی شن تۇپ دا، سوریأنینگ ادلب شهرینه رژیم گۆیچلری نینگ آغیر تۇپ آتوولاری نتیجه سینده ۵ عسگرینگ شهیت بۇلماغی و ۵ عسگرینگ یارالانماغی باراسیندا بیانات بردی.

شن توپ توییتردا،

"تۇپراقلاری اۆستۆنده تاراپلی ساواشلارینی دوروزیپ بیلمه یأن رژیمینگ قاهریمان تۆرک عسگرلرینی نیشان آلماغی، تۆرکیأنینگ بؤلگه دأکی پاراحاتچیلیقلی تاغاللالاری نینگ نأدرجه أهمیتلیدیگینی گؤرکِزدی. تۆرکیه پاراحاتچیلیق اۆچین توتان یرلی توتومینی گؤرکِزمأگه دۇوام ادر" دیدی.

تۆرکیأنینگ مجلیسی نینگ باشلیغی، داشاری ایشلر وزیرلیگی نینگ روس تۇپاری بیلن دوشوشیغینا دۇوام ادیأرقا ادلب ینگ دمیرقازیغیندان گلن شهیت حاباری نینگ یۆۇره‌کلره اۇد سالاندیغینی نیغتادی.

تۆرکیأنینگ داشاری ایشلر وزیری مولود چاووش اۇغلی دا ادلب ده رژیم گۆیچلری نینگ آغیر تۇپ آتوویندا شهیت بۇلانلارینگ قارینداشلارینا صابیر دیله دی.

چاووش اۇغلی توییتردا شیله یازدی:

"ادلب ده شتین بۇلان قاهریمانلاریمیزا آلله دان رحمت، یارالی دۇغانلاریمیزا چالت یاغدایدا شئپا دیله یأرین. میللتیمیزینگ جانی ساغ بۇلسون. پِس پأللرینگ هۆجۆملرینه دنگ آغراملی جۇغاپ بردیک. شانلی شؤهراتلی قشونیمیز گره کلی بۇلان ایشلری اتمأگه دۇوام اتجکدیر"



دِگیشلی حابارلار