سوریأنینگ میللی قشونی ترورچیلیق بیلن ساواشدا ۱۹۸ شهیت بردی
۹-نجی اکتبردا تۆرک یاراغلی گۆیچلری پاراحاتچیلیق چشمه سی حرکتینی باشلادیپدی
سوریه ده پاراحاتچیلیق چشمه سی حرکتینه قاتناشان و حۇوپسوزلیغی برکِتمهک اۆچین وظیپه آلان سوریأنینگ میللی قشونی ۹-نجی اکتبردان بأری ۱۹۸ شهیت بردی.
۹-نجی اکتبردا تۆرک یاراغلی گۆیچلری پاراحاتچیلیق چشمه سی حرکتینی باشلادیپدی.
شۇل حرکتده سوریأنینگ میللی قشونی آزات ادیلن یرلرینگ جپهه سینده درنگو و بارلاغ ایشینی آلیپ باریار.
سوریأنینگ میللی قشونی نینگ مطبوغات گنگه شچیسی یوسف حمود، تۆرکیه بیلن روسیانینگ ایلالاشیغینا ترس یاغدایدا حۇوپسوز بؤلگأ گیرمأگه سینانشیان ی. پ. گ/ پ. ک. ک نینگ ترورچیلاری بیلن گؤره شه دۇوام ادیأندیکلرینی آیتدی.
سوریأنینگ میللی قشونی نینگ برن ماغلوماتلارینا گؤرأ ۹-نجی اکتبردا پاراحاتچیلیق چشمه سی حرکتی نینگ باشلانماغیندان بأری شۇل قشون ۱۹۸ شهیت بردی.
سوریأنینگ میللی قشونی نینگ ۶۴۳ عسگری ده یارالاندی و ۱ عسگر ده درِکسیز ییتدی.
چاقنیشیقلاردا یۆزلرچه ترورچی تۆرک یاراغلی گۆیچلری تاراپیندان قۇلدانیلیان سوریأنینگ میللی قشونی تاراپیندان تأثیرسیز یاغدایا گتیریلدی.