أردۇغان دمیرقازیق سوریه دأکی حۇوپسوز بؤلگه اۆچین آمریکا ۲ هپده واغت بردی
أردوغان "اوروپا یورتلاریندان هم ادلب هم ده فرات ینگ گۆن دۇغاری باراسیندا اولی قۇلداوا قاراشیاریس" دییپ بِلله دی
تۆرکیأنینگ جمهورباشلیغی رجب طیب أردۇغان سوریأنینگ دمیرقازیغیندا حۇوپسوزلیق بؤلگه سی نینگ شرطلری نینگ برجای ادیلمه گی اۆچین آمریکا ۲ هپده واغت بردی و بو مسئله ده أدیم أدیلمأن حالاتیندا تۆرکیأنینگ اؤز پلانلارینی ایشه گیریزجکدیگینی بیلدیردی.
أردۇغان بأش دپه میللت کنگره و مدنیت مرکزینده گچیریلن یۇقاری اۇقوو جایلاری نینگ تأزه ساپاق بریش ییلی نینگ آچیلیش داباراسینا قاتناشدی.
أردۇغان شول یرده برن بیاناتیندا، آمریکا بیلن حۇوپسوز بؤلگه باراسینداقی دوشوشیقلار حاقیندا ماغلومات بردی.
"ایکی هپده ایچرسینده بیر نتیجه آلینمان حالاتیندا اؤز پلانیمیزی ایشه گیریزریس. اؤنگۆمیزدأکی آیلاردا بۇلجاق واقالار دمیرقازیق سوریه دأکی ایشلرینگ آنگسات یاغدایدا چؤزگۆده قۇوشوریلجاقدیغی یا دا ایشینگ قینالجاقدیغینی گؤرکِزجِکدیر. فرات دریاسی نینگ گۆن دۇغارینی حۇوپسوز یاغدایا گتیریپ، حۇوپسوز بؤلگأنینگ چونگلوغینا باغلی شو یرده یوردومیزدا یا دا اوروپادا یاشایان ۲-۳ میلیون آراسینداقی سوریه لی بۇسغونی یرله شدیرریس" دیه ن أردۇغان،
"اوروپا یورتلاریندان هم ادلب هم ده فرات ینگ گۆن دۇغاری باراسیندا اولی قۇلداوا قاراشیاریس" دییپ بِلله دی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی
