بالکان گؤچلری و بالکان‌داقی مسلمانلار- تۆرکلر

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

بالکان گؤچلری و بالکان‌داقی مسلمانلار- تۆرکلر

گچن هپده تۆرکیأنینگ مجلیسی نینگ باشلیغی مصطفی شن تۇپ ینگ حمایات برمه گینده یۇلباشچیلیق اتمه گینده حالقارا بالکان بیلیم یورتلاری نینگ یر ایه چیلیگینده اسکوپیه ده ۵-نجی حالقارا جمغیتچیلیک عیلیملاری ماصلاحاتی گچیریلدی.

۱۳ یورتدان ۶۱۷ عالیمینگ قاتناشان ماصلاحاتیندا من هم یاشلار مسئله سینده چیقیش اتدیم. ماصلاحاتدا هاروارد یالی آمریکانینگ بِللی باشلی اۇقوو جایلاریندان تۆرک عالیملار بیلن تانیشماغا و اۇلار بیلن یۇقاری بیلیم گنگه شی هم ده یۇقاری بیلیم اولغامیمیز بارادا نتیجه لی پیکیر آلیشماغا پورصات هم تاپدیم. گپله شیگیمیزینگ بو سینیندا بالکان گؤچلری بارادا دوروپ گچمه ک ایسله یأرین. چۆنکی بالکان یورتلارینا هر گیدیشیمده مسئله قینانچلی حأصیه تده گۆن ترتیبینه گلیأر. عثمانلی دؤولتی نینگ سۇنگقی دؤورۆندن بیزینگ گۆنلریمیزه چنلی اوزاپ گیدن غوصصالی واقا بالکان یورتلارینا باریان هر بیر آدامینگ یادینا دۆشیأر.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقایارسینگیز

بالکان گؤچلری نینگ قیسغاچا تاریحی یا دا ژنوسایدینگ حاقیقی آدی...

عیلمی چشمه لر ۱۸-نجی عاصیردان باشلاپ میلیونلارچا مسلمانینگ و تۆرک ینگ بالکان یورتلاریندا قیرغینچیلیغا سزه ور بۇلاندیغینی، اؤلدۆریلندیگینی، سۆرگۆن ادیلندیگینی بیان ادیأر. عثمانلی دؤولتی ایزا چِکیلیأرکأ و اۇندان سۇنگ دارغایارقا بالکان بؤلگه سیندأکی مسلمانلار هم ده تۆرکلر حاص آغیر شرطلره سزه ور بۇلیار.

ژنوساید آدالغاسی ایلکینجی گِزِک ۲-نجی جاهان اورشوندان اۇزال آلمانیانینگ یهودیلره ادن ظلملاری، کؤپچۆلیکله یین قیرغینچیلیقلار و قینامالار اۆچین اولانیلیار. بالکان یورتلاریندا بیزینگ انسانلاریمیزینگ باشدان گچیرن ظلمی سان تایدان هم آغیرلیق تایدان هم آلمانیاداقی ظلملار بیلن دنگِشنیریلنده حاص کؤپ. اِمما دۆنیأ بیله ده دورسون، شۇل ظلمینگ ژنوسایدینگ گؤورۆمی تۆرکیه ده هم آز آدام تاراپیندان بیلینیأر.

بالکان یورتلاریندا ۱۷-نجی عاصیردان بأری باشدان گچیریلنلری ۱۹-۲۰-نجی عاصیرداقی غام- غوصصالی پاجیغانی گؤچلری باشدان گچیرنلرینگ چاغالارینا، گلجککی نسیللره و دۆنیأ یتیرجِک اسکارا لاییق فیلم هم صوراتا دۆشۆریلمه‌دی. گؤرنۆشی یالی میللتیمیز باشدان گچیرن غام- غوصصالاری سبأپلی دۆنیأنی اینگلِتمه‌گی، ایزی گیدرلی حأصیه‌تده شۇلاردان پیدالانماغی حالامایار. غام غوصصا نأچه اولی بۇلاندا دا اونی یۆره‌گینه گؤمۆپ، یۇلونا دۇوام اتمه ک ایسله یأر. اِمما میللتیمیز اولی گؤورۆملی فیلم یا دا مستند طایارلاماسا هم شۇل یتمِزچیلیگی کؤپلِنچ چونگگور یادی، گینگ پس‌پأللیلیگی بیلن یاپیار. شۇل غام غوصصالی آیدان آغیلاری، دۆزِن آیدیملاری و مارشلاری بیلن اینگ قۇوی اسکار فیلمیندن هم تأثیرلی گؤرنۆشده گلجک نسیللره یتیریأر.

هایسی فیلم یۆره گیمیزی داغلاپ، بدنیمیزی قورشاپ آلیان چاناق قالا، یمن آیدیمی، پلونه مارشی یالی گۆیچلی بۇلوپ بیلرکأ...

سیاسی ماقصاتلار بیلن مجبوری گؤچۆرمه‌ک قینانساغام تاریحدا قالان فاکتور دأل. شو گۆنکی گۆنده تۆرکلری و مسلمانلاری قیزیقلاندیریان سانلی بؤلگه ده شونگا منگزش شرطلری باشدان گچیریأریس. انته‌ک دۆین بلغاریستان تۆرکلری نینگ شو گۆن کریمه، قاراباغ و اویغورلارینگ باشدان گچیریأن مسئله لری، میانمار، سوریه و البتده فلسطین مسلمانلاری نینگ دوچار بۇلان قینچیلیقلاری بالاکان یورتلارینداقی تۆرکلرینگ باشدان گچیرنلریندن تاپاووتسیز.

بۇشان بالکان یورتلاری

بالکان یورتلارینا هر گیدِمده صؤحبِتدِشلیگینگ اساسی ماضمونی تۆرکیأ ادیلن گؤچلر بۇلیار. عثمانلی درورۆنده باشلان گؤچلر دینگه شۇل دؤوۆرده قالمادی. جمهوریت دؤورۆنده ده دۇوام اتدی. حتّی شو گۆنکی گۆنده ده تاپاووتلی گؤرنۆشلرده دۇوام ادیأر. بالکان یورتلارینداقی تۆرکلرینگ سانی گۆن سایین آزالیار.

تۆرکیه بالکان تۆرکلری نینگ هم مسلمانلارینگ هم اومیدی، گلجگی... چۆنکی بیر یرده آزلیق بۇلماق کؤپ سانلی قینچیلغی هم یانی بیلن آلیپ گلیأر. آزلیق حؤکمۆنده یاشاماغا دۇوام ادیلیأرکأ داشاردان گۆیچلی قۇلداوا مـأتأچلیک دویولیار. شۇل قۇلداو اساسان مادّی گؤرنۆشدی بۇلمالی. ت. ر. ت تۆرکیأنینگ سِسینده افیره بریلیأن ""چشم جیهان" گپله شیگی اۆچین صؤحبِتدِشلیک گچیرن دمیرقازیق مقدونیه نینگ یۇقاری قاضیه تی نینگ آغضاسی صالح مراد آدلی رایاتینگ سؤزلری اۇنی اؤرأن قۇوی بیان ادیأر: "بیز تۆرکیه دن هیچ زات ایسلأمیزۇق. تۆرکیه یۇلونا گۆیچلی دۇوام اتدیرسه، بیزه اۇنونگ کؤلِه‌گه‌سی یترلیک"

اساسا ندا بالکان تۆرکلری تۆرکیه بیلن آراباغلانشیقلاری نینگ دۇوام اتمه گینی ایسله یأر. چاغالاری نینگ کأبیرلری گلجگینی تۆرکیه ده گؤزله یأر. اِمما مسئلأ استراتژیک چمه له شیأنلری بالکان یورتلاریندا یاشایان تۆرکلرینگ آزالماغینا، آزالدیلماغینا آرتیقماجی بیلن نأراضیلیق بیلدیریأر. چۆنکی بالکان یورتلاریندان تۆرکیأ یا دا باشغا یورتلارا ادیلن گؤچلرینگ هر بیری اؤزلرینی و گلجکلرینی حاص دا یالنگیزلاشدیریار. گچمیشده ییغی ییغیدان گؤرۆشلی یالی ۲ میلیون ایلاتی بالکان یوردوندان بأش یۆز مۆنگ آدامینگ تۆرکیأ گؤچمه گی، تۆرکیأنینگ ایلاتی اۆچین آرتیقماچ ماغنا آنگلاتمایار. اِمما شۇل موقدار گلینن یوردونگ ایلاتی نینگ ۲۵ گؤتریمینی عمله گتیریأندیگی اۆچین اۇل یرده قالان آداملاری یکه یالنگیز قۇییار. شۇنونگ اۆچین بالکان تۆرکلری قین هم بۇلسا اؤز یرلرینده قالان بۇلسادی اۇندا حأضیرکی شرطلر باشغاچا بۇلاردی.

دۇغری سیاسات: یرینده گۆیچلِنمه‌ک

گچمیشی ایزینا گتیریپ بۇلمایار. گچمیشده قالیپ بۇلمایار. اِمما گچمیشدن اوغور آلیپ دِگِرلی نتیجه چیقارماق بۇلیار.

شو گۆنکی گۆنده بالکان بۇسغونلاری نینگ گلن یرلرینده آتا بابالاری نینگ یاتلامالارینی، اثرلرینی، قۇیوپ قایدانلارینی اونوتمان، اۇلاری یاشاتماغی اؤرأن مؤهۆم. بالکان یورتلارینداقی میراثیمیزی دیکِه‌لتمِه بۇرجی دینگه بیر تیکا و داشاری یورتلی تۆرکلر و قارینداش حالقلار یالی ادارالارینگ یا دا یونس امره و مغاریف غازناسی یالی غازنالاریمیزینگ بۇرجی بۇلمالی دأل. بالکان یورتلاریندا یاشایان تۆرکلر و مسلمانلار آتا بابالاری نینگ میراثچیلاری حؤکمۆنده بالکان بۇسغونلاری نینگ ایزینا دۇلانیپ، درتلِشمه‌گینه، سالاملاشماغینا قاراشیار. روسیانینگ و اوروپا بیله له شیگینه آغضا یورتلارینگ بالکان یورتلاری بیلن کؤپ تاراپلایین قیزیقلانیان دؤورۆنده تۆرکیه ده یاشایان بالکان بۇسغونلاری نینگ آچجاق قاتناشیقلاری اۇزالقی قۇنگشولاری اۆچین آلترناتیو بۇلار. تۆرکیه دأکی بالکانلیلار دینگه بیر تۆرکیه بیلن بالکان یورتلاری نینگ آراسیندا دأل، بالکان یورتلاری نینگ دۆنیأ بیلن ادیأن قاتناشیغینا هم میناسیپ قۇشانت قۇشار.

البتده بۇسغونچیلیق دییلِنده اۇنونگ کؤپ اوغری بار. اوروپانینگ باشدا دورماغینا ایقدیصادی ماقصاتلی گؤچِنلر، اۇلارینگ ایزینا دۇلانماغی، کریمه، قفقاز، مشهدی تۆرکلری، اویغورلار یالی تۆرک حالقلارینگ دوچار بۇلیان باسیشلاری، قینچیلیقلاری سبأپلی تۆرکیأ گؤچمه ک اۆچین جان ادیأرلر. أهلیسی هم اؤزباشداق و بیری بیریندن قاراشسیز مسئله لر. داشاری یورتلارداقی تۆرکی حالقلار بۇیونچا نأحیللی استراتژی آلینیپ باریلمالیدیغی بارادا گپله شیگیمیزینگ ایندیکی سانیندا دوروپ گچریس.

آنکارا ییلدیریم بیازیت بیلیم یوردونینگ سیاسی عیلیملار فاکولته‌تی نینگ باشلیغی پروفسور قدرت بلبل ینگ یازغیسینی اۇقادینگیز

 


اتیکتلر: گؤچ , تۆرکیه , بالکان

دِگیشلی حابارلار