أردۇغان تأجیگیستانا گیتمه‌گیندن اۇزال ادلب شأهِرینه اۆنس چکدی

تۆرکیأنینگ جمهورباشلیغی اسد رژیمینه دویدوریش بردی

1218813
أردۇغان تأجیگیستانا گیتمه‌گیندن اۇزال ادلب شأهِرینه اۆنس چکدی

تۆرکیأنینگ جمهورباشلیغی رجب طیب أردۇغان سوریه ده اسد رژیمی نینگ تۆرکیأنینگ قشونی نینگ سینچیلیق مرکزینه هۆجۆمی دۇوام ادایسا مونگا دیمماغینگ مۆمکین بۇلماجاقدیغینی آیتدی.

أردۇغان آسیادا حیذماتداشلیق و اینامی یۇقارلادیجی چأره لر کنفرانسی نینگ (CICA) ۵-نجی دؤولت و حؤکۆمت یۇلباشچیلاری ماصلاحاتینا گیتمه ک اۆچین تأجیگیستانا اوچدی.

قۇنالغادا بیانات برن أردۇغان سوریه دأکی ادلب شأهِرینه اۆنس چکدی.

ادلب ده سۇنگقی گۆنلرده بۇلان واقالاری یاتلادان أردۇغان، بیرنأچه ایسله نمه دیک واقالارینگ بۇلاندیغینی و تۆرک سینچیلیق مرکزینه بۇلان هۆجۆمی یاتلاتدی و

"یارالیلاریمیز بۇلدی، شهیدیمیز ده بۇلدی. بولارینگ قارشیلیغینی قارشی تاراپا اؤرأن آغیر یاغدایدا بردیردیک. رژیم سینچیلیق دینگلرینه شیله هۆجۆملرینه دۇوام ادن بۇلسا مونگا دیمماغیمیز مۆمکین بۇلماز. بیز بو یرده پاراحاتچیلیغینگ برجای ادیلمه گینی ایسله یأریس. اؤلۆملرینگ دورماغینی ایسله یأریس" دیدی.

ادلب ده چلک و فسفر بمبالاری بیلن هۆجۆمه دۇوام ادیلمه گی نینگ باغیشلانیپ بیلینجک زاتلار بۇلماندیغینی و مونگا دیمیش اتمه گینگ مۆمکین بۇلماندیغینی آیدان تۆرکیأنینگ جمهورباشلیغی، ادلب ده یاشایان حالقینگ گپلرینه قولاق آسیاندیقلارینی بیلدیردی.

أردۇغان دمیرقازیق قبرس تۆرک جمهوریتینده تۆرک عسگرلری نینگ سانی نینگ آزالدیلاندیغی باراداقی سؤزلرینگ دا یالان بۇلاندیغینی بیلدیردی و

"عسگرلریمزینگ سانی آزالدی دییلن بیر زات یۇق. شۇل یرده نأچه عسگر قالمالی بۇلسا شۇنچا دا عسگر شۇل یرده قالار. مونونگ اۆچین ده هیچ کیمدن روغصات آلماغا مجبور دألدیرس" دیدی.



دِگیشلی حابارلار