أردۇغان ینگ تأزه زلاند بارادا بیاناتی
تۆرکیأنینگ جمهورباشلیغی: تأزه زلاندداقی مسلمانلارا ادیلن هۆجۆم ارگانیزه بیر ترورچیلیق حرکتیدیر
تۆرکیأنینگ جمهورباشلیغی و عادالات و اؤسۆش پارتیاسی نینگ (آق پارتی) باشلیغی رجب طیب أردۇغان، تأزه زلاندداقی هۆجۆمینگ یکه تأک باشینا ادیلن بیر حرکت بۇلماندیغینی، تِرسینه بو حرکتینگ ارگانیزه ادیلن بیر ترورچیلیق حرکتی بۇلاندیغینی آیتدی.
أردۇغان، بیرنأچه تلویزیون کانالی نینگ اۇرتاق پروگرامماسیندا واقا بارادا بیانات بردی.
رجب طیب اردوغان، ۱۵-نجی مارت دا تأزه زلاندینگ کرایست چرچ شأهِرینده جومغا نامازیندا ایکی متجیده ۱۰ داقیقا آرا بیلن ادیلن و ۵۱ آدامینگ جان برمه گینه سبأپ بۇلان ترورچیلیقلی هۆجۆم باراسیندا گۆررۆنگ بردی.
تأزه زلاندینگ دۇلانشیغی نینگ اؤزۆنه، هۆجۆمچیلرینگ کیم بۇلاندیغی بارادا بارلاغ گچیریپ نتیجأنی آیتجاقدیغی بارادا سؤز برندیگینی و اۇلارینگ شۇل سؤزۆنده دورجاقدیغینا اینانیاندیغینی یاتلادان رجب طیب أردۇغان،
"حۇرماتلی تأزه زلاندینگ باش وزیری جاسیندا آردرن بیاناتی بویسانچ بریجی. اۇل، بو هۆجۆمینگ قیناندیریجی بۇلاندیغینی آنگلایار" دیدی.
تۆرکیأنینگ جمهورباشلیغی، تأزه زلاند حالقی نینگ دا مسلمانلارینگ یاسینی توتوپ، انسانلیقدان نصیبی بۇلمایانلارا انسانلیق بارادا ساپاق برندیگینی آیتدی.
ایستامبول داقی ایاصوفیا بارادا دا سۇراغلارا جۇغاپ برن أردۇغان،
"بو یرینگ آدینی موزه دأل، ایاصوفیا متجیدی دییپ قۇیاریس. نأحیللی سلطان احمد متجیدینه سیاحاتچیلار گلیأن بۇلسا، اۇلار شۇل یره گلنده پول بریأر می؟ زیاراتچیلار سلطان احمد متجیدینه گلیأر، سلیمانیه متجیدینه، فاتح متجیدینه گلیأر گؤریأر. شیله ده ایاصوفیا دا گلرلر. موزه گؤرنۆشیندن چیقار" دیدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی