چاناق قالا ینگیشی دابارالار بیلن یاتلانیار

چاناق قالاداقی قاهرامانلیق دِستانی دۆرلی دابارالار بیلن یاتلانیار

چاناق قالا ینگیشی دابارالار بیلن یاتلانیار

 

شهیتلری یاتلاما گۆنی و چاناق قالا دنگیز ینگیشی نینگ ۱۰۴-نجی ییللیقی دۆرلی دابارالار بیلن قوتلانیار.

دابارالارینگ مرکزی، تۆرکیه ده قاهرامانلیق دستانی یازیلان چاناق قالا شأهِری.

جمهوریت میدانینداقی دابارالارا جمهورباشلیغی نینگ کابینه سی نینگ آدیندان میللی قۇرانماق وزیری خلوصی آقار، تۆرکیأنینگ یاراغلی گۆیچلری نینگ آدیندان چاناق قالا بۇغازی نینگ باش توتانی آدمیرال لونت کریم اوچا و چاناق قالانین ولایات حأکیمی اۇرهان تاولی و شأهِر حأکیمی اۆلگۆر گؤکحان قاتناشدی.

دابارا قاتناشانلار آتاتۆرک ینگ یأدیگأرلیگینه گۆل دسسه لرینی قۇیدی.

ت. ج. گ بورگازآدا گأمیسی بۇلسا ۲۱ گِزِک تۇپ آتووینی اتدی.

دابارا حۇرماتلی دیمیشلیلیق و میللی موقامینگ چالینماغی بیلن باشلاندی.

سۇنگ بۇلسا تۆرکیأنینگ بیک میللت مجلیسی تاراپیندان ۱۹۹۴-نجی ییلدا ۲۵۳ مۆنگ شهیدینگ حاطیراسینا باغیشلانان و چاناق قالا بریلن "چاناق قالا گچیلمه‌ر" یازیلان آلتین مدال خلوصی آقار و بیله لیگیندأکی تۇپار تاراپیندان تۆرک بایداغینا داقیلدی.

آقار استرالیا و تأزه زلانددان گلن میهمانلار و دابارا قاتناشان واطانداشلار بیلن ده گۆررۆنگ اتدی.

تۆرکیأنینگ جمهورباشلیغی رجب طیب أردۇغان ۱۸-نجی مارت استادیومیندا گچیریلجک ۱۸-نجی مارت شهیتلری یاتلاما گۆنی و چاناق قالا ینگیشی نینگ ۱۰۴-نجی ییللیغینا باغیشلانان دابارا قاتناشار.



دِگیشلی حابارلار