أردۇغان یونان ینگ باش وزیرینی قابول اتدی
سیپراس تۆرک- یونان قاتناشیقلاریندا اؤنگین آتمسفرینگ عمله گلمأگه باشلاندیغینی نیغتادی
تۆرکیأنینگ جمهورباشلیغی رجب طیب أردۇغان رسمی ساپار بیلن آنکارا گلن یونان ینگ باش وزیری آلکسیس سیپراس بیلن دوشوشدی.
پرزیدنت أردۇغان بیلن یونان ینگ باش وزیری اؤزآرا و تۇپارآرا گپله شیکلردن سۇنگ مطبوغاتا بیانات بردی.
"تۆرکیه حؤکمۆنده یونان بیلن باشدان گچیریلیأن أهلی قینچیلیقلی یاغدایدا چؤزۆلجکدیگینه اینانیارین" دیه ن أردۇغان، یونان ینگ فتؤ، پ. ک. ک و د.ح.ک.پ- ژ یالی ترور قورامالارینا آغضا ترورچیلار اۆچین حۇوپسوز یورت یاغدایینا گلمه گینی تیسله مه یأندیکلرینی بِلله دی.
پرزیدنت أردۇغان سیپراس بیلن بۇلان دوشوشیغیندا، ۲۰۱۶-نجی ییلینگ ۱۵-نجی ایولینداقی آغدارلیشیق سینانشیغیندان سۇنگ یونانا قاچان فتؤ آغضاعسگرلرینگ تۆرکیأ ایزینا بریلمه گی مسئله سینی ینه ده بیر گِزِک آرا آلیپ ماصلاحاتلاشاندیقلارینی بِلله دی.
تۆرک رایاتلاری اۆچین ویزاسیز سیاحات مسئله سینی هم سلجرندیکلرینی آیدان أردۇغان "بیز سؤزۆمیزده دوردوق و اوروپا بیله له شیگی نینگ هم برن وعده سینده دورماغینا قاراشیاریس" دیدی.
تۆرکیه بیلن گچیریلیأن ایچگین گپله شیکلره أهمیت بریأندیکلرینی آیدان یونان ینگ باش وزیری آلکسیس سیپراس "تۆرکیه بیلن بؤلگأمیزده باشدالن گچیریلیأن أهلی قینچیلیقلاری گپله شیک آرقالی چؤزمأگه چالیشیاریس" دیدی.
سیپراس تۆرک- یونان قاتناشیقلاریندا اؤنگین آتمسفرینگ عمله گلمأگه باشلاندیغینی نیغتادی.
دِگیشلی حابارلار
دمیرقازیق سوریه ده ترورچیلار تأثیرسیز یاغدایا گتیریلدی
سوریأنینگ دمیرقازیغیندا پ. ک. ک/ ی. پ. گ نینگ 4 ترورچیسی تأثیرسیز یاغدایا گتیریلدی
