أردۇغان: منبج‌ینگ حاقیقی ایه‌لری بِللی
تۆرکیأنینگ جمهورباشلیغی: منبج ده ۱۰۰۰ سانی پ. ی. د/ ی. پ. گ آغضاسی بار
تۆرکیأنینگ جمهورباشلیغی رجب طیب أردۇغان، روسیا و آمریکانینگ، آیرالیقچی ترور قوراماسی پ. ک. ک نینگ سوریه دأکی بؤله‌گی ی. پ. گ نینگ منبج دن چیقجاقدیغینی آیتدیغینی نیغتاپ، منبج دأکی ی. پ. گ نینگ ترورچیلارینگ سانینی بردی.
أردۇغان مسکودا ولادیمیر پوتین بیلن دوشوشاندان سۇنگ دۆین تۆرکیأ گلیأرکأ اوچاردا بیانات بردی.
"شو واغت منبج ده بیزینگ ماغلوماتیمیزا گؤرأ ۱۰۰۰ سانی پ. ی. د/ ی. پ. گ آغضاسی بار. یۇق دیه‌نلر ده بار اِمما بیزینگ ماغلوماتیمیزا گؤرأ بار. شأهِرینگ ۸۵-۹۰ گؤتریمی سنی عاراپلاردان عیبارات. شۇل یرینگ حاقیقی ایه سی نینگ کیم بۇلاندیغی دا بِللی. ایندی روسیا و آمریکا پ. ی. د/ ی. پ. گ نینگ آغضالاری نینگ منبج دن چیقجاقدیغینی آیدیار. اۇلارینگ شأهِردن چیقماغینی و فرات ینگ گۆن دۇغارینا ایبریلمه گینی اومیت ادیأریس" دیه ن أردۇغان،
"تۆرکیأنینگ ماقصادی نینگ سوریه ده ترور قورامالاری بیلن گؤره شمه ک" بۇلاندیغینی آیتدی.
أردۇغان "ادلب ده، منبج ده و فرات ینگ گۆن دۇغاریندا آسودالیق و دورنوقلیلیغینگ دۆیبۆنی توتوپ بیلریس" دیدی.
تۆرکیأنینگ جمهورباشلیغی،
"پ. ی. د/ ی. پ. گ باراسیندا بیزینگ توتومیمیز آچ آچان بِللیدیر. بیز سوریه دأکی کۆرت دۇغانلاریمیزینگ حۇوپسوزلیغینا هممه لردن کؤپ أهمیت بریأریس" دیدی.
دِگیشلی حابارلار
داشاری ایشلر وزیرلیگی ۱۹۱۵ ییلینداقی واقالار بیلن باغلانشیقلی بیانات بردی
تۆرکیأنینگ داشاری ایشلر وزیرلیگی مسئله بیلن باغلانشیقلی یازماچا بیانات بردی
