آقار: تۆرک عسگری عفرین ده قاهرامانلیق دِسسانینی یازدی
منبج و گۆن دۇغار فرات حرکتی اۆچین طایارلیقلار تاماملاندی
تۆرکیأنینگ میللی قۇرانماق وزیری خلوصی آقار تۆرک عسگرلری نینگ بیله کی عسگری حرکتلرده بۇلشی یالی زیتین شاحاسی حرکتینده ده بیر قاهرامانلیق دِسسانینی یازاندیغینی نیغتادی.
خلوصی آقار، قشون باشلیغی ژنرال یاشار گۆلر، قوری یر گۆیچلری نینگ باشلیغی ژنرال اۆمیت دۆندار، دنگیز گۆیچلری نینگ باشلیغی آدمیرال عدنان اؤزبال و هۇوا گۆیچلری نینگ باشلیغی ژنرال حسن کۆچۆک آق یۆز حاتای ولایاتیندا سرحتلرده بارلاغ گچیردی.
عفرین ده ترورچیلیغا قارشی یؤره‌دیلن و باشارجانگلیق بیلن تاماملانان زیتین شاحاسی حرکتینه قاتناشان کماندولار بیلن ده دوشوشان آقار، ۲۰۱۸-نجی ییلینگ ۲۰-نجی یانواریندا باشلان حرکتینگ حالقارا حقوغا باپ گلندیگینی و تۆرکیأنینگ حاقلارینی قۇراجاق یاغدایدا، انسان حاقلارینا باغلی قالیپ مظلوم و معصوم حالقا ضِلل برمأنی، داشقی قورشاوی، تاریحی و دینی یرلری قوراپ گچیریلندیگینی و ۱۸-نجی مارت دا تاماملاناندیغینی بیلدیردی.
آقار "تۆرک عسگری بیله کی حرکتلرده بۇلشی یالی زیتین شاحاسی حرکتینده ده بیر قاهرامانلیق دسسانی یازدی و اولی اۆستۆنلیک قازاندی" دیدی.
شو واغت مسئلأنینگ منبج و گۆن دۇغار فرات بۇلاندیغینا اۆنس چکن خلوصی آقار، شونونگ بیلن باغلانشیقلی ضرور بۇلان طایارلیق و پلانلارینگ گؤرۆلِندیگینی آیتدی.
واغتی گلنده بو اۇپراسیا دا باشلانجاقدیغینی یاتلادان آقار،
"بو ایشلری آلیپ بارانیمیز شۇل بیر واغتدا سوریأنینگ و عیراغینگ تۇپراق بیتولیگینه، سیاسی بۆتینلیگینه حۇرمات قۇییاریس و بیتِو قالماغینی ایسله یأریس" دیدی.
تۆرک قشونی نینگ هدپی نینگ ترورچیلار بیلن اورشماق بۇلاندیغینی آیدان خلوصی آقار،
"بیزینگ هدپیمیز هیچ یاغدایدا کۆرت دۇغانلاریمیز دألدیر" دییپ بِلله دی.
آقار ترور بیلن گؤره شینگ سۇنگقی ترورچی اؤلیأنچأ دۇوام اتجکدیگینی بیلدیردی.
