کرواسی نینگ جمهورباشلیغی تۆرکیه‌ده

کرواسی نینگ جمهورباشلیغی کولیندا گرابار کیتاروویچ رسمی ساپار بیلن تۆرکیأ گلدی.

تۆرکیأنینگ جمهورباشلیغی رجب طیب أردۇغان ینگ رسمی چاقیلیغی بیلن آنکارا گلن کیتاروویچ ایلکی بیلن تۆرکیأنینگ بیک میللت مجلیسی نینگ باشلیغی بینالی ییلدیریم بیلن دوشوشدی.

ایکی ماقامینگ اؤزآرا دوشوشیغیندان سۇنگرا دیوان سالنیندا تۇپارآرا دوشوشیق گچیریلدی.

مطبوغاتا یاپیق یاغدایدا گچیریلن دوشوشیغا تۆرکیه- کرواسی پارلمانلار آراسی دۇستلوق تۇپاری نینگ باشلیغی اسماعیل بیلن، داشاری ایشلر وزیری نینگ اۇرونباساری و اوروپا بیله له شیگی باشلیغی فاروق قایماقچی بیلن تۆرکیأنینگ زاگرب دأکی باش ایلچیسی مصطفی بابۆر قاتناشدی.

کروات جمهورباشلیق تۆرکیأنینگ مجلسینده، فت الله چی ترور قوراماسی (فتؤنینگ) ۲۰۱۶-نجی ییلینگ ۱۵-نجی ایولیندا آغدارلیشیغا سینانشیق ادن ماحالی بمبالان یرینی ده باریپ گؤردی.

دوشوشیقلاردا کرواسی بیلن تۆرکیأنینگ اؤزآرا قاتناشیقلاری بارادا دۇلولیغینا پیکیر آلیشیلدی.

کرواسی بیلن تۆرکیأنینگ ماقاملاری بؤلگه آرا و حالقارا مسئله لر باراسیندا دا گنگه شدی.