أردۇغان بیلن پوتین دوشوشدی
دوشوشیق سوچی دا گچیریلدی
تۆرکیأنینگ جمهورباشلیغی رجب طیب أردۇغان روسیالی ایشدشی ولادیمیر پوتین بیلن دوشوشدی.
دوشوشیغینگ گۆن ترتیبینده سوریأنینگ ادلب شأهِریندأکی یاغدایلار بار.
سۇنگقی ۱۰ گۆنده ایکینجی گِزِک دوشوشان أردۇغان بیلن پوتین روسیانینگ سوچی شأهِریندأکی یۇلباشچیلیق بیناسیندا ماصلاحات گچیردی.
دوشوشیقدان اۇزال قیسغاچا بیانات برن رجب طیب أردۇغان،
"سیاسی، حاربی، ایقدیصادی مسئله لر باشدا بۇلماق بیلن کؤپ پوداق باراسیندا گنگهشلریمیز بیری بیریمیزه گۆیچ بریأر. شو واغت دۆنیأنینگ گؤزی سوچی دا. بو یردن بریلجک اۇرتاق بیانات بؤلگأ تأزه اومیت گتیرر" دیدی.
روسیانینگ یۇلباشچیسی ولادیمیر پوتین دا "گنگهشیلجک کؤپ زادیمیز بار. بیرنأچه سی قاریشیق مسئله لر. بولار باراسیندا دا گنگهشِریس. چؤزگۆت تاپماغا تاغاللا ادریس" دیدی.
ایکی دؤولتینگ باش توتانی رجب طیب اردوغان بیلن ولادیمیر پوتین سۇنگقی گِزِک ۷-نجی سنتیابردا تهران دا دوشوشیپدی.
