مکرون أردۇغانی قوتلادی

فرانسیانینگ جمهورباشلیغی امانوئل مکرون تۆرکیأنینگ جمهورباشلیغی رجب طیب أردۇغانی 24-نجی ژوئن ده گچیریلن سایلاودا قازانان اۆستۆنلیگی بیلن قوتلادی.

مکرون قوتلاغ حاطیندا "تۆرک سایلاوچیلاری نینگ سیزی قایتادان جمهورباشلیق حؤکمۆنده سایلاماغی و جمهور آرقالاشیغی نینگ مجلیسده اساسی کؤپلۆگه ایه بۇلماغی بیلن تۆیس یۆره‌کدن قوتلایارین. فرانسیانینگ آدیندان سیزه و تۆرک حالقینا رۇواچلیق آرزوو ادیأرین" دیدی.

"تۆرکیأنینگ ایقدیصادی، سوسیال و دموکراتیک تایدان اؤسۆشینده سیزینگ جۇغاپکأرچیلیگینگیز دیسه‌نگ مؤهۆم" دیه ن مکرون قوتلاغ حاطیندا شیله دیدی،

"سوریه مسئله سی نینگ سیاسی تایدان چؤزۆلمه‌گینگ و ترورا قارشی گؤره‌شینگ باشدا دورماغیندا بؤلگه آرا و حالقارا مسئله لرده سیزینگ بیلن بیر ییلدان قۇوراق واغت بأری ادیأن قاتناشیقلاریمیزی و حیذماتداشلیغیمیزی دۇوام اتدیرمه‌ک ایسله‌یأرین"