أردۇغان: گِلینگ آبادان اوروپانی بیله‌لیکده قورالینگ

تۆرکیأنینگ جمهورباشلیغی رجب طیب أردۇغان، تۆرکیه- اوروپا بیله له شیگی قاتناشیقلاریندا دارتغین گۆنلرینگ ایزدا قالاندیغینی طاما ادیأندیگینی آیتدی.

أردۇغان "گلوبال گۆیجه اؤورۆلمه‌ک اوغروندا تاغاللا ادیأن اوروپانینگ تۆرکیأنی گینگِلمه سیاساتیندان قیراقلاتماغی اولی یالنگیشی بۇلار" دیدی.

اوروپا بیله له شیگی بیلن اۇزالقی گپله شیکلرینده عمومی مسئله لرینگ چؤزۆلمه گی باراسیندا ایکی تاراپلی کپیلله‌ندیریلمه لرینگ بریلندیگینی یاتلادان أردۇغان، تۆرکیأنینگ اساسان بی قانون گؤچ بیلن بیرلیکده بۇرچلارینی آرتیقماجی بیلن برجای ادندیگینی آیتدی.

اوروپا بیله له شیگی تاراپیندان تۆرکیأ قابول ادیلن سوریه لیلرینگ ایسله گلری نینگ قاناغاتلاندیریلماغی اۆچین تۆرکیأ وادا (وعده) بریلن ۳ میلیارد یورونینگ ۱.۸ میلیارد یورولیق بؤله گی نینگ بریلندیگینی نیغتان أردۇغان،

"قومانیتار مسئله لرده بروکراتیک آغراسلیغا گچیریملیک ادیلمه‌ز" دیدی.

اوروپا بیله له شیگی نینگ تۆرک رایاتلاری نینگ ویزا ارکینلیگی بۇیونچا هم دِسسینه ایشه گیرمه‌لیدیگینی آیدان أردۇغان "اۇل سیاسی مسئلأ اؤورۆلمه‌لی دأل. گۆمرۆک بیله له شیگی نینگ شرطلری نینگ اؤزگِردیلمه گی باراداقی قاراییشیمیزی هم بیان اتدیک" دیدی.

چیقیشی نینگ دۇوامیندا ترورچیلیغا قارشی گؤره ش بارادا دوروپ گچن أردۇغان، "ترورچیلیغا قارشی گؤره شیمیز شۇل بیر واغتدا اوروپانینگ حۇوپسوزلیغی اۆچین. ترور حرکتلری گره کلی بۇلان حالاتیندا دۇوام ادر" دیدی.

اوروپا بیله له شیگی نبنگ عادالاتلی چمه لِشمأن حالاتیندا قبرس مسئله سی نینگ چؤزگۆدینه قۇشانت قۇشوپ بیلمه‌جِکدیکلرینی هم آیدان اردوغان "آدانینگ طبیغی بایلیقلاری باراداقی قارار مکانیزملری قبرسلی تۆرکلرینگ هم دگیشلی ادیلمه گی حالقارا حقوغینگ شرطلریندن بیری. اوروپا بیله له شیگینی قبرس مسئله سینده عادالاتلی چمه لِشمأگه چاغیریاریس" دیدی.

أردۇغان گلوبال گۆیجه اؤورۆلمه‌ک اوغروندا تاغاللا ادیأن اوروپانینگ تۆرکیأنی گینگِلمه سیاساتیندان قیراقلاتماغینگ اولی یالنگیش بۇلجاقدیغینی دویدوریپ "گلینگ بالکانلاردا بیله لیکده ایشله‌شه لینگ، حالقارا مسئله لرده حیذماتداشلیغیمیزی گینگه‌لدلینگ. گۆیچلی آبادان اوروپانی بیله لیکده قورالینگ" دیدی.