تۆرکیه هرات دا وکیلچیلیک آچیار

تۆرکیأنینگ اۇوغانیستان داقی ایلچیسی اۇغوزحان أرطوغرول اۇوغانیستان اسلام جمهوریتی نینگ داشاری ایشلر وزیری صلاح الدین ربانی بیلن دوشوشدی.

دوشوشیقدا ایکی دۇست و دۇغانلیق یورت و حالقلاری‌نینگ قاتناشیغی‌نینگ اؤسدۆریلمه‌گی‌نینگ أهمیتینه اۆنس چکیلدی.

تۆرک ایلچی بیلن اۇوغانیستان ینگ داشاری ایشلر وزیری‌نینگ دوشوشیغیندا سیاسی، حۇوپسوزلیق (امنیت)، ایقدیصادیه‌ت، ایستامبول اِتابی و اسلام حیذماتداشلیغی قوراماسی یالی مسئله‌لر حاقیندا گِنگه‌شیلدی.

أرطوغرول قۇلایدا تۆرکیأنینگ باش وزیری بینالی ییلدیریم ینگ اۇوغانیستانا ساپار قوراجاقدیغینی مألیم اتدی.

تۆرکیأنینگ کابل داقی ایلچیسی تۆرکیأنینگ، اۇوغان پلیسلارینا ساپاق برمأگه دۇوام اتجکدیگینی ده آیتدی.

اۇوغانیستان ینگ داشاری ایشلر وزیری ربانی بۇلسا تۆرکیأ، اۇوغانیستانا برن قۇلداولاری سبأپلی مینّتدارلیق بیلدیردی.

تۆرکیأنینگ ایلچیسی بو دوشوشیقدا، قۇلایدا هرات دا تۆرکیأنینگ کنسوللیغی نینگ آچیلجاقدیغینی حابار بردی.