أردۇغان کویت ده

تۆرکیأنینگ جمهورباشلیغی رجب طیب أردۇغان، کویت ینگ امیری شیخ صباح احمد جابر صباح الجبیر ینگ چاقیلیغی بیلن کویت ده ساپاردا بۇلیار.

أردۇغان کویت ینگ باش وزیری نینگ بیرینجی اۇرونباساری و داشاری ایشلر وزیری خالد الصباح تاراپیندان قارشیلاندی.

تۆرکیأنینگ جمهورباشلیغی ایلکی بیلن میللی مجلیسینگ باشلیغی مرزوق الغنیمی و باش وزیر شیخ جابر المبارک الحمد الصباح- ی آیری آیری قابول اتدی.

بیان کؤشگۆندأکی قابول ادیلشیکلر مطبوغاتا یاپیق یاغدایدا گچیریلدی.

أردۇغان سۇنگرا بۇلسا بیان کؤشگۆنده کویت ینگ امیری الصباح تاراپیندان رسمی یاغدایدا قارشیلاندی.

ایکی یۇلباشچی دابارادان سۇنگرا تۇپارآرا و اؤزآرا دوشوشیق گچیردی.

باش توتانلار سۇنگرا بۇلسا اسپورت پوداغیندا حیذماتداشلیق، گؤنی مایاقۇیوما قۇلداو و بیلیم و تکنولوژی باراسیندا حیذماتداشلیق شرطناماسینا قۇل چکیشدیلر.