آتاتۆرک مدنیت مرکزی تأزه دن سالینار

ایستامبول داقی آتاتۆرک مدنیت مرکزی ییقیلیپ تأزه دن دیکه دیلیأر.

پروژه تۆرکیأنینگ جمهورباشلیغی رجب طیب أردۇغان ینگ قاتناشان گنگه شینده گؤرکِزیلدی.

تۆرکلرینگ موزیک و صوغات تایدان بای چشمأ ایه بۇلاندیغینی نیغتان تۆرکیأنینگ جمهورباشلیغی،

"گۆن دۇغارا گینسه نگیز قفقاز مدنیتی، اۇرتا آسیا مدنیتی بار بولار بیزینگ مدنیتیمیزدیر. دمیرقازیغا گیدینگ قیریم (کریمه) مدنیتی بیزینگ مدنیتیمیز. گۆن اۇرتا گۆن دۇغارا گیدینگ، مزوپوتامیا (بین النهرین) مدنیتی آصلیندا بیزینگدیر. آناتولی باشلی باشینا بیر مدنیت چشمه سیدیر. مسئله بیزینگ بو مدنی بایلیغی یترلیک درجه ده بیلمه‌زلیگیمیزده دیر" دییپ بِلله دی.

پروژه نینگ فیلمی ایلکینجی گِزِک شۇل گنگه شده گؤرکِزیلدی.

تأزه "آتاتۆرک مدنیت مرکزی" اؤرأن مدرن معماریسی بیلن اۆنس چکیأر.

بو پروژه تاماملاناندا ایستامبول دۆنیأنینگ اینگ اولی آکوستیک اپرا سالنی، کیتاپحانا، کؤپ ماقصاتلی سالن، باله سالنی، سرگی سالنی و رستوران یالی یرلره ایه بۇلار.

تۆرکیأنینگ جمهورباشلیغی،

"۲۰۱۹-نجی ییلینگ ایلکینجی چأریِگینده نصیپ بۇلسا بو پروژه تاماملانار و حیذمادا باشلار. آتاتۆرک مدنیت مرکزی ایستامبول و یوردومیزینگ سمبولی بۇلان بیر یر بۇلار" دیدی.