آمریکانینگ قۇرانماق وزیری تۆرکیه‌ده

آمریکانینگ قۇرانماق وزیری جیمز متیس اردن و عیراق داقی دوشوشیقلاریندان سۇنگرا تۆرکیأ گلدی.

متیس گۆنۆبیرلیک ساپاریندا ایلکی بیلن آنکارادا تۆرکیأنینگ میللی قۇرانماق وزیری نورالدین جانیکلی بیلن دوشوشدی.

میهمان وزیر، تۆرکیأنینگ جمهورباشلیغی رجب طیب أردۇغان تاراپیندان دا قابول ادیلدی.

دوشوشیقلاردا ۲۵-نجی سنتیابردا اربیل دۇلانشیغی تاراپیندان گچیریلجک ایله سۇراغ (رفراندوم) باراسیندا گۆررۆگ ادیلندیگی آیدیلیار.

آمریکانینگ آیرالیقچی ترور قوراماسی پ. ک. ک نینگ سوریه دأکی بؤله گی بۇلان پ. ی. د ترور قوراماسینا یاراغ کؤمِگی باراسیندا دا گۆررۆنگ ادیلدی.

تۆرکیه بو مسئله باراسیندا آمریکا دؤولتینه دویدوریش بریپدی.

متیس بو ساپاریندا پ. ی. د دارتغینلیغی باراسیندا حاساپ بردی.

دوشوشیقلاردا عیراغینگ تلعفر شأهِرینده و سوریأنینگ ایدلیپ شأهِریندأکی حرکتلر باراسیندا داپیکیر آلیشیلدی.