أردۇغان ینگ روسیا قورایان تاریحی ساپاری

تۆرکیه بیلن روسیانینگ قاتناشیقلاریندا تأزه اِتابا گلینیأر.

شو گۆن تۆرکیأنینگ جمهورباشلیغی رجب طیب أردۇغان روسیانینگ دؤولت یۇلباشچیسی ولادیمیر پوتین بیلن روسیادا دوشوشار.

ایکی یۇلباشچی سۇنگقی ۶ آیدا ۴-نجی گِزِک دوشوشار.

مسکوداقی مؤهۆم دوشوشیغینگ گۆن ترتیبینده سوریه دأکی دارتغینلیق بار.

دوشوشیقدا ترور قوراماسی پ. ی. د/ ی. پ. گ- أ بریلمه‌ک ایسله‌نِن منبج دأکی دووۆنینگ چؤزۆلمه‌گینه قاراشیلیار.

تۆرک- روس یۇلباشچیلار رقه ده داعش ترور قوراماسینا قارشی گچیریلجک اۇپراسیا باراسیندا دا پیکیر آلیشار.

فیرات قالقانی حرکتی، أحتیمال رقه اۇپراسیاسی و تۆرکیأنینگ آلماق ایسلأن اس- ۴۰۰ راکته قۇرانیش اولغامی گۆن ترتیبی نینگ ایلری توتولیان اوغورلاری نینگ آراسیندا.

باشلاجاق تأزه سیاحاتچیلیق مؤوسۆمیندن اۇزال روس سیاحاتچیلاری نینگ گلمه گی باراسیندا دا پیکیر آلیشیلار.

تۆرکیه بیلن روسیانینگ قاتناشیقلاری تایدان اولی أهمیته ایه باشغا مسئله ده انرژی پوداغی.

دوشوشیقدا آق قویو اتمی دسگاسی و تۆرک آقیمی طبیغی گاز گچیریجی توربا باراسیندا دا گۆررۆنگ ادیلر.