أردۇغان قطرده ساپاردا بۇلیار

تۆرکیأنینگ جمهورباشلیغی رجب طیب أردۇغان پارس آیلاغی یورتلارینا ساپارلاری نینگ ۳-نجی دورالغاسی بۇلان قطرده.

پایتاغت دوجه ده قطرینگ انرژی و صناغات وزیری محمد السادا و قطرینگ آنکاراداقی باش ایلچیسی سالم مبارک الشافی، تۆرکیأنینگ قطردأکی باش ایلچیسی احمد دمیراۇق بیلن ایلچیحانانینگ ایشگأرلری تاراپیندان قارشیلانان أردۇغان قطرینگ اۇزالقی امیری شیخ حمد بن خلیفه آل ثانی بیلن ده دوشوشدی.

أردۇغان شو گۆن قطرینگ امیری شیخ تمیم بن حمد آل ثانی تاراپیندان رسمی یاغدایدا قارشیلانار.

أردۇغان ایکی چأک و تۇپارآرا قاتناشیقلاردان سۇنگ تۆرکیأ قایدیپ گلر.

بو ساپار دکابر آییندا ترابزون دا گچیریلن تۆرکیه – قطر یۇقاری درجه لی استراتژیک حیذماتداشلیق گنگه شی نینگ ۲-نجی اۇتورشیغیندان سۇنگرا قورالیار.

اۇتورشیغینگ ایلکی ۲۰۱۵-نجی ییلدا قطرینگ پایتاغتی دوحه ده گچیریلیپدی.

أردۇغانی قطردأکی ساپاریندا عایالی امینه حانیم، قشون باشلیغی خلوصی آقار، داشاری ایشلر وزیری مولود چاووش اۇغلی، ایقدیصادیه ت وزیری نیهات زیبکچی، انرژی و طبیغی سریشده لر وزیری برات آل بایراق، میللی قۇرانماق وزیری فیکری ایشیق و میللی حۇوپسوزلیق قوراماسی نینگ باشلیغی هاکان فیدان یۇلداشلیق ادیأر.