گؤک تۆرک- ۲ یرینگ داشیندا آیلانیار

تۆرکیأنینگ یوُقاری درجه لی عملی همراسی (ماهواره سی) بوُلان گؤک تۆرک- ۲ شو واغتا چنلی ۲۱۰۰۰ گِزِک دۆنیأنینگ داشیندا آیلاندی.

۴ ییل اوُزال گؤنگه ایبریلن عملی همرا ۲۳ میلیون ۸۰۰ مۆنگ کیلومتر صورات چکدی.

بیلیم، صناغات و تکنولوژی وزیری فاروق اؤزلۆ، بو عملی همرانینگ چکن صوراتلاری نینگ شأهِرچیلیک، اکرانچیلیق و توُقایلارینگ یانغینی یالی واقالاردا اولانیلیاندیغینی بیلدیردی.

اؤزلۆ، بو عملی همرانینگ تۆرکیأنینگ یاراغلی گۆیچلری تاراپیندان دا اولانیلیاندیغینی یاتلاتدی.

یرینگ ۶۸۵ کیلومتر یوُقارسیندا بوُلان گؤک تۆرک- ۲، ۲۰۱۲-نجی ییلدا حیتای دان گؤنگه ایبریلیپدی.

بو عملی همرا هر ۹۸ داقیقادا بیر گِزِک یرینگ داشیندان آیلانیار.

تۆرکیأنینگ تأزه بارلاغ و حابار آلیش باراسینداقی عملی همراسی بوُلان گؤک تۆرک- ۱ بوُلسا ۲۰۱۶-نجی ییلینگ دکابر آیی نینگ ۵-ینده گؤنگه ایبریلیپدی.