یۇلباشچیلارینگ دموکراسی و شهیتلر میتینگینده چیقیشلاری

ایستامبول‌داقی دموکراسی و شهیتلر میتینگی تاریحی واقالارا شایاتلیق ادیأر.

ارتیر بیلن ینی قاپی میدانینی دۇلدوران میلیونلارچا دموکراسی قۇراییجیسی تۆرکیأنینگ جمهورباشلیغی رجب طیب أردۇغان‌ینگ گِلمه‌گی بیلن جۇشدی.

باش‌وزیر و عادالات و اؤسۆش پارتیاسی‌نینگ باشلیغی بینالی ییلدیریم، جمهوریت حالق پارتیاسی‌نینگ باشلیغی کمال قیلیچداراوغلی و میللتچی حالق پارتیاسی‌نینگ باشلیغی دؤولت باغچه‌لی بو میتینگه قۇشولیپ جبیسلیگه قۇشانت قۇشدیلار.

شهیتلر اۆچین بیر داقیقالیق حۇرماتلی دیمیشلیلیقدان سۇنگ تۆرکیأنینگ میللی موقامی چالیندی و سۇنگ بۇلسا تۆرکیأنینگ دیانت ایشلری‌نینگ باشلیغی محمت گؤرمِز ۱۵-نجی ایول‌داقی حیاناتچیلیقلی سینانشیق گیجه‌سینده شهیت بۇلان ۲۳۹ آسودا ایلات اۆچین حالق بیلن بیله‌لیکده دعا اۇقادی.

میتینگینگ ایلکینجی چیقیش ادنی میللتچی حرکت پارتیاسی‌نینگ باشلیغی دؤولت باغچه لی بۇلدی.

۱۵-نجی ایول‌دا تأزه بیر دیری‌لیگینگ بوشلوغینی بردینگیز دیه‌ن باغچه لی تۆرکیأنینگ یۇقارلاپ اؤز ارکینه ایه بۇلماغینی بویسانچ بیلن ایزارلایاندیغینی آیتدی.

۱۵-نجی ایول‌دا تأزه بیر باسیپ آلیشینگ سینانشیغی بۇلاندیغی آیدان باغچه‌لی:

"ظالیملار، امپریالیسمینگ مأشه‌لری بو ساپار تۆرک عسگری‌نینگ کؤینِگینی گِیدی. عالیم و حۇجا گؤرنۆشیندأکی بیر ترورچی جنایات قوراماسینا تۆرکیأنی اورماق اۆچین پرمان بردی" دییپ بِلله‌دی.

شۇل گۆن تانکلارینگ اؤنگۆنده ویجدانلارینگ دوراندیغینی آیدان میللتچی حرکت پارتیاسی‌نینگ باشلیغی تۆرک میللتی‌نینگ قورشونلارا گۆل باغینا گیریأن یالی یؤره‌دیلر دیدی.

باغچه‌لی‌دن سۇنگرا چیقیش ادن جمهوریت حالق پارتیاسی‌نینگ باشلیغی کمال قیلیچدار اۇغلی دا اولی بیر بلانینگ اۆستۆندن گلینِندیگینی آیتدی و سیاساتچیلارینگ شو بلادان ساپاق اؤورنمه‌گینی ایسله‌دی.