فتو ترور قوراماسیندان پول آلان انگلیس مجلیس وکیلی

فتح الله چی ترور قوراماسی پارالل دؤولت اولغامی نینگ (فتو/ پ. د. ی) تۆرکیه‌دأکی آغضالاریندان ییغنان پوللاری بیلن انگلیس مجلیس وکیلی ادوار گارنیأنینگ تۆرکیأنی قارالایان حابارناما یازدیردی.

بریتانیادا چاپ ادیلن تایمز قازتی مسئله حاقینداقی حابارا یر بردی.

قازت حالق وکیلی ادوارد گارنیه نینگ تۆرکیأنی تانقیت ادیأن "تۆرکیه‌دأکی آدام حقوقلارینا صارپا و حقوغینگ اۆستۆنلیگی" آدینداقی حابارناما اۆچین فتو/ پ.د.ی-دن ۱۱۵ مۆنگ ۹۹۴ استرلینگ یاغنی ۴۵۵ مۆنگ تۆرک لیراسی آلاندیغینی یۆزه چیقاردی.

قازتینگ حابارینا گؤرأ حابارنامانینگ یازیلماغینی فتو/ پ. د. ی نینگ یۇلباشچیسی فتح الله گۆلنه تابینلیقدا ایش آلیپ باریان ژورنالیستلار و یازیجیلار غازناسی ایسله‌دی.

فتح الله چی ترور قوراماسی پارالل دؤولت اولغامی نینگ (فتو/ پ. د. ی) بیلن آراباغلانشیقلی قورامالارا قارشی آلیپ باریان گؤره شی حاقینداقی ماغلوماتلارا هم یر برلن حابارناما، سنتیابر (سپتامبر) آییندا چاپ ادیلندن سۇنگ دؤورۆنگ باش‌وزیری دیوید کامرون بیلن داشاری ایشلر وزیری فیلیپ هاموندا هم اوغرادیلدی.

حابارنامادا ادوار گارنیأنینگ مارت آییندا انگلیس پارلمانیندا تۆرکیه بیلن اوروپا بیله له شیگی نینگ آراسینداقی بۇسغون شرطناماسی حاقیندا ادن چیقیشیندا "تۆرک حؤکۆمِتی‌نینگ آدام حقوقلارینی و حقوغینگ اۆستۆنلیگینی باسغیلایاندیغینی اؤنگه سۆرِندیگی و تۆرکیأنینگ اوروپا بیله له شیگینه آغضالیق اِتابینا بریأن قۇلداوینی گؤزدِن گچیرمه‌گی اۆچین" بریتانیا چاغیریش برندیگی یاتلادیلیار.