پ. ک. ک ترورینا قارشی تۆرک چادیری

بلژیک ده یاشایان تۆرکلر ترورچیلارینگ چادیری نینگ آصیل یۆزۆنی اؤز تۆرک چادیرلاری بیلن گؤرکِزِر.

اوروپادا گینگ بیر پروپاگاندا دۇوام اتدیریأن ترور قوراماسی پ.ک.ک نینگ قانلی یۆزۆنی بیان اتمه ک ایسله یأن تۆرکلر بروکسل ده چادیر قورار.

اوروپا تۆرک دموکراتلار بیله له شیگی نینگ بلژیک دأکی اداراسی نینگ باشلیغی بصیر هامارات، پنج شنبه گۆنی اوروپا پارلمانی نینگ اؤنگۆنده چادیر قوراجاقلارینی بیلدیردی.

شیله لیک بیلن پ.ک.ک نینگ ترور هۆجۆملری نینگ سبأپ بۇلان ییتگیلری حالقا گؤرکِزیلر.

هامارات "پ. ک. ک دینگه پلیس و عسگرلریمیزی شهیت اتمه یأر. آنکاراداقی هۆجۆمینده بیر اِنأنینگ قارنینداقی چاغانی اؤلدۆردی.شأهِرلرده اؤزۆندن گچمه لیک هۆجۆملر بیلن حالقی، یؤنه کی رایاتلاری نیشانا آلدی، گۆنأسیز آداملاری اؤلدۆردی. بو ادن ایشلری تأزه زات دأل. ییللاردان بأری رحیمسیز گؤرنۆشده آسودا ایلاتی اؤلدۆریأر. بۆتین بولارینگ آیدیلماغی و گؤرکِزیلمه گی ضروردیر" دیدی.

چادیرینگ اؤنگۆنده ترور قوراماسی نینگ هۆجۆملرینده شهیت بۇلان عسگر و پلیسلار بیلن بیرلیکده یؤنه کی رایاتلارینگ دا صوراتلاری بار.

چادیردا بلژیک، فرانسیا و پأکیستان دا ترورچیلیقلی هۆجۆملرده اؤلِنلرینگ ده صواتلاری اونوتولمایار.

بصیر هامارات "ترور، قوربان بۇلانلاری بیری بیریندن آییرمایار. مونی پ.ک.ک و داعش ترور قوراماسینا قوربان گیدنلرینگ صوراتلاری بیری بیری نینگ یانیندا قۇیماق بیلن دۆشۆندیرریس" دیدی.