أردۇغان کوبا ساپارینی تاماملادی

کوبا ساپار قوران ایلکینجی تۆرک جمهورباشلیق بۇلان رجب طیب أردۇغان تۆرکیأنینگ کوبادا مِتجیت قورماغی میلله‌شدیریأندیگینی آیتدی.
پایتاغت هاوانادا ایلکی بیلن خوزه مارتی‌نینگ یأدیگأرلیگینه گۆل دِسسه‌لرینی قۇیان أردۇغان، سۇنگ کوبانینگ جمهورباشلیغی رائول کاسترو تاراپیندان رسمی دابارا بیلن قارشیلاندی.
أردۇغان سۇنگ بۇلسا مصطفی کمال آتاتۆرک‌ینگ هاواناداقی یأدیگأرلیک هِیکلینه باریپ گۆل دِسسه‌لرینی قۇیدی.
تۆرکیأنینگ جمهورباشلیغی حاربی میدانا و هاوانانینگ شأهِر موزه‌سینه ده باریپ گؤردی.
شۇل یرده بیانات برن أردۇغان کوبادا قوراماق ایسله‌یأن مِتجیتلری‌نینگ تۆرکیأنینگ میللی بینأگأرلیگینه لاییق تاسلاما بۇلجاقدیغینی نیغتادی.
تۆرکیأنینگ جمهورباشلیغی شیله ده تۆرک هۇوا یۇللاری‌نینگ تأزه اوچوش مرکزلری‌نینگ کِسگیتلِنمه‌گینده بؤلگه‌ده یرله‌شیأن یورتلارینگ اۆنس مرکزینه آلجاقدیغینی آیتدی.
پرزیدنت أردۇغان کوبا بیلن تۆرکیأنینگ آراسینداقی سؤودا موقداری‌نینگ پس بۇلماغی‌نینگ کوبا قۇیلان و انسان‌پرورلیک هم ده ویجدان تایدان نأدۇغری حاساپلانیلیان چأکلِندیرمه‌لر سبأپلیدیگینه اۆنس چکدی.
رجب طیب أردۇغان لاتین آمریکا یورتلارینا قورایان ساپاری‌نینگ سۇنگقی مکزیک بؤلۆمینه بۇلسا شو گۆن باشلایار.
ساپارینگ دۇوامیندا ایکی یوردونگ آراسینداقی حیذماتداشلیغینگ حاص هم اؤسدۆریلمه‌گی ماقصات ادینیلیأر.