اس- ۴۰۰ می؟ آمریکانینگ اوغرونینگ اۆیتگه مهگی می؟ ۲
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز
اس- ۴۰۰ می؟ آمریکانینگ اوغرونینگ اۆیتگه مهگی می؟ ۲
گپله شیگیمیزینگ گچن سانیندا یالتا ماصلاحاتیندان سۇنگ دؤره دیلن ساواش اولغامی نینگ دارغایاندیغینی، اِمما هنیزه چنلی تأزه بیر اولغامینگ دؤره دیلمأندیگینی بیان ادیپدی. تأزه گلوبال اولغام گؤزلِگلرینه، آمریکا، روسیا و حیتای اوغورلارینا اۆنس چکیپ؛ عادالاتا اساسلانیان تأزه بیر اولغامینگ دؤره دیلگی نینگ حؤکمأندیگینی نیغتاپ گچیپدیک.
عمومی آنالیزلاردان سۇنگ تِمامیزی دۇوام اتدیریپ، تۆرکیه، تۆرکیأنینگ حۇوپسوزلیق بۇیونچا ایسله گلری بارادا دوروپ گچهلینگ.
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقایارسینگیز.
تۆرکیأنینگ حۇوپسوزلیق اۆپجۆنچیلیگی
۱-نجی جاهان اورشوندا تۇپراغی نینگ اساسی بؤله گینی الدن برن عثمان دؤولتیندن سۇنگ قورلان تۆرکیه جمهوریتی نینگ تۇپراغی کیچهلِن ده بۇلسا بارلیغینا دۇوام اتدیرمه گی نینگ عهده سیندن گلیپدی. شوروی نینگ ۱۹۴۰-نجی ییللارداقی آچیق دنگیزلره چیقماق سیاساتینا پارالللیکده تۆرکیه دن بۇغازلار باراداقی آچیق طالابیندان سۇنگ تۆرکیه اساسان گۆن باتار بلوگی بیلن حرکت اتمأگه باشلایار. ۱۹۵۲-نجی ییلدا ناتو قوراماسینا آغضا بۇلیار. گۆن باتار بلوگی نینگ روسیانینگ داشینی قورشاپ آلما سیاساتینا لاییقلیقدا تۆرکیه اؤز اۆستۆنه دۆشیأن بۇرجونی برجای ادیأر. ناتو بۇلسا اؤزۆنه آچ آچان حۇوپ سالیان شورویه قارشی تۆرکیأنینگ حۇوپسوزلیق اۆپجۆنچیلیگینه قۇشانت قۇشدی.
سۇویق اورشدان سۇنگ بۇلسا روسیا گۆن باتار اۆچین بیرینجی درجه لی حۇوپ بۇلماقدان چیقاریلیار. تۆرکیه گۆن باتار بلوگیندا ناتوآ آغضا یورت حؤکمۆنده اؤز اۆستۆنه دۆشیأن جۇغاپکأرچیلیگینی برجای ادیأر. اِمما مونگا قارامازدان گۆن باتار دؤولتلری بیله چمه له شمه یأر. تۆرکیه میلیونلارچا سوریه لی بۇسغونی قابول ادیپ، گۆن باتارینگ دموکراسیسینا و دورنوقلیلیغینا قۇشانت قۇشیار. شیله لیکده گۆن باتار یورتلاری نینگ فاشیسمینگ و نازیسمینگ قیساجینا گیریش دپگینینی قۇوشادیار. اِمما تۆرکیه سوریه دن آبانیا حۇوپلار بۇیونچا یالنگیز قالدیریلیار. حاص آنیق آیدیلاندا تۆرکیه حأضیرکی واغتدا ناتو آغضالیغینا قارامازدان اساسا ندا آمریکان سیاساتیندان آبانیان آچیق حۇوپا سزه ور. اؤزۆنه گره ک بۇلان پاتریوت قۇرانیش اولغامینی ساتین آلماق باراداقی ایسله گی آمریکا تاراپیندان قابول ادیلمه دی، اۆسسه سینه اورشونگ اۇرتاسیندا آمریکا و آلمانیا تاراپیندان گتیریلن پاتریوتلار هم ایزا چکیلیپدی.
بیله کی تاراپدان ترور قوراماسی حؤکمۆنده ایقرار الدیلیأن، تۆرکیأنینگ ۵۰ مۆنگدن قۇوراق رایاتینی ییتیرمه گینه سبأپ بۇلان، اۇنلارچا ییلدان بأری گؤره شیأن قوراماسی بۇلان پ. ک. ک و اۇنونگ سوریه دأکی بؤله گی پ. ی. د بیلن آمریکانینگ حیذماتداشلیق اتمه گی، تۆرکیه تاراپیندان هایسیدیر بیر شرطده قابول ادیلمه سیز و سرحت یاقاسیندا ترور درولتی نینگ قورالماغی اوغرونداقی تاغاللا حؤکمۆنده آنالیز ادیلیأر. ترور قوراماسی پ. ی. د نینگ ۷ مۆنگ کانتینر بیلن گتیریلن حاربی اۆپجۆنچیلیک بیلن قۇلانماغینا تۆرکیه برک قارشیلیق بیلدیریأر.
تۆرکیأنینگ حۇوپسوزلیق ایسله گینی گؤرمهدیکسیرأپ، اؤزۆنی قۇراماغی اۆچین گره ک بۇلان انجاملار بریلمأندیگی اۆچین تۆرکیأنینگ اؤزۆنی قۇراماق اۆچین روسیا، حیتای و بیله کی یورتلار بیلن حیذماتداشلیق اتمه گی مجبوریدیر. حأکیمیه ت باشیندا هایسی پارتیا (حزب) بۇلاندا دا یوردونینگ گلجگینی پیکیر ادیأن پارتیالار یوردونی قۇراماق اۆچین گۆن باتار یورتلاریندان قۇلداو تاپمان حالاتیندا آلترناتیو گؤزله مأن، اۇتوریپ، قاراشماسا گره ک. تۆرکیأنینگ شیله اتمه گینه قاراشماق آق یۆرهکلیلیک بیلن بۇلماسا، تۆرکیأنی حاص آغیر قینچیلیقلارا سزه ور اتمه ک ماقصادی بیلن دۆشۆندیریلیپ بیلینر.
آمریکانینگ اوغرونینگ اۆیتگهمهگی
شو گۆنکی گۆنده آلمانیا، ژاپن، کره جمهوریتی یالی یورتلار هینز هم آمریکانینگ حۇوپسوزلیق قۇلداوی آستیندا. آمریکانینگ دؤره دن شرطلری بیلن دورنوقلیلیقلارینی و اؤسۆشلرینی دۇوام اتدیریأرلر. تۆرکیأ هم سۇویق سااوش دؤورۆنده شیله شرط دؤره دیلیپدی. اِمما یتیلن سپگیتده سۇویق اورشدان سۇنگ تۆرکیأ حۇوپسوزلیق قۇلداوی نینگ توتولماغی بیله ده دورسون، تۆرکیأنینگ حۇوپسوزلیغینا آچ آچان وهیم سالینیار.
تۆرکیه گۆن باتار بلوگیندا ناتونینگ چأگینده اۇنلارچا ییللاپ اؤز اۆستۆنه دۆشیأن جۇغاپکأرچیلیکلری آرتیقماجی بیلن یرینه یتیرن یورت. شو گۆنکی گۆنده ده تۆرکیأنینگ توتومی اۆیتگهمهدی. شۇل سبأپلی سۇنگقی ییللاردا گۆن باتارلی و گۆن باتارچی آیدینگلارینگ اِگیلشیکسیز نیغتاماقلاری نینگ ترسینه اوغرونی اۆیتگهدن یورت تۆرکیه دأل، عمومان گۆن باتار، حصوصان دا آمریکا.
آمریکانینگ اوغرونینگ اۆیتگهمهگی دینگه بیر تۆرکیأ قارشی دأل. آمریکانینگ قۇنگشیلاری مکزیک، کانادا، اوروپا بیله له شیگینه آغضا یورتلار هم شۇل اوغور اؤزگِردیلیشی نینگ نتیجه لرینی باشدان گچیریأر. شۇل ساندا ایران، دمیرقازیق کره، لاتین آمریکا یورتلاری، روسیا و حیتای بیلن یۆزه چیقان دارتغینلیقلاری هم شۇل چأکده سلجِرمهک بۇلار.
آمریکانینگ اۆیتگه مه گی نینگ سبأپلری باشغا بیر گپله شیگه تِما بۇلوپ بیلر. شۇل سبأپلری دینگه بیر سۇویق اورشدان سۇنگ اؤزگِرهن شرطلرینگ آراسیندا دأل، گلوباللاشما تاپغیریندان آمریکانینگ و گۆن باتار یورتلاری نینگ یترلیک درجه ده بأحبیت قازانماندیغی، شۇل سبأپلی آمریکانینگ گلوبال یۇلباشچیلیغینی الدن گیدرمه ک قۇرقوسی بیلن اۇزال لیدرلیک ادن دورنوقلی، آچ آچان و بأسله شیکلی سیاساتلارینا دۇلی ترس سیاسات آلیپ بارماغیندا گؤزله مِک بۇلار.
ناتو بیلن آمریکانینگ آراسینداقی توتوم تاپاووتلیلیغی
آمریکانینگ قۇرانماق وزیرلیگی نینگ وظیپه سینی یرینه یتیریجی پاتریک شاناهان تۆرکیأنینگ قۇرانماق وزیری خلوصی آقارا یازان حاطیندا تۆرکیأنینگ روسیادان اس- ۴۰۰ راکته قۇرانیش اولغامینی آلماغی نینگ آمریکا و ناتو بیلن ادیلیأن حیذماتداشلیغا زیان یتیرجکدیگینی، قۇرانیش پوداغی نینگ و ایقدیصادی ماقصاتلاری نینگ اؤسۆشینگ و حالقارا سؤودا قاتناشیقلاری نینگ اۇندان زیان چکجکدیگینی بیان ادندیگی حابار بریش سریشده لرینده حابار بریلدی. شاناهان ینگ "تۆرکیأنینگ اس- ۴۰۰ اولغامینی قابول ادیپ آلان حالاتیندا اف- ۳۵ ساواش اوچارلارینی آلیپ بیلمهجکدیگینی" بیان ادِندیگی بیلینیأر.
دینگه شۇل حالاتیندا تۆرکیأنینگ اؤز حۇوپسوزلیغینی هایسیدیر بیر تاراپا دگیشلی اتمه لی دألدیگینی گؤرکِزیأر. تۆرکیه اۇزال کؤپ سانلی یوردونگ قاتناشان و بیله لیکده اؤندۆرمه ک بارادا ایلالاشان اف- ۳۵ حاربی اوچار تاسلاماسیندان بیر تاراپلی چیقاریلما حمله سی آتیلیار.
شاناهان تاراپیندان بیان ادیلن اس- ۴۰۰ اولغامی نینگ آلینماغیندان تۆرکیأنینگ ناتو بیلن قاتناشیقلاری نینگ زیان چکجکدیگی نینگ نادۇغریدیغی بۇلسا تۆرکیأ قوران ساپاری نینگ دۇوامیندا گؤنۆدن ناتونینگ باش یازمانی تاراپیندان بیان ادیلیپدی. باش یازمان ینس استولتنبرگ ناتو قوراماسینا آغضا یورتلارینگ اؤزلرینی قۇراماغا حقوقلاری نینگ باردیغینی آیدیپدی.
نتیجه ده تۆرکیه گۆن باتار یورتلاری و آمریکا بیلن دنگِشدیریلنده بلکِم توتومینی اینگ آز اۆیتگهدن یورت. تۆرکیه تاریجی آرقالاشیقلاری بس اتمه گینگ گؤزلهگینده دأل. توتومینی اۆیتگهدِن یا دا اوغروندان قیشارنیقلیق ادن تۆکریدنینگ حۇوپسوزلیغینا أسگِرمِزچیلیک ادیأن، ترور قورامالاری بیلن حیذماتداشلیق ادن، سرحدینده ترور دؤولتلرینی قوراماق ایسله یأن کأبیر گۆن باتار یورتلاری، اساسا ندا آمریکا، سۇویق ساواش دؤوری بیلن دنگِشدیریلنده گۆن باتارداقی قیشارنیقلیق آچ آچان اۇرتادا دورقا، تۆرکیه اس – ۴۰۰ یا دا شونگا منگزه ش اولغاملار بیلن اؤز حۇوپسوزلیغینی اۆپجۆن اتمه کدن نأمه اۆچین ال چِکمهلی؟
آنکارا ییلدیریم بیازیت بیلیم یوردونینگ سیاسی عیلیملار فاکولتهتی نینگ باشلیغی پروفسور قدرت بلبل ینگ یازغیسینی اۇقادینگیز.
