تۆرکیأنینگ گۆن ترتیبی ۳۴: تۆرکیه بیلن آمریکانینگ آراسینداقی دارتغینلیق

جان آجون؛ سیاسات، ایقدیصادیه‌ت و جمغیت غازناسی- ستا

1042047
تۆرکیأنینگ گۆن ترتیبی ۳۴: تۆرکیه بیلن آمریکانینگ آراسینداقی دارتغینلیق

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

تۆرکیه بیلن آمریکانینگ آراسیندا باشدان گچیریلیأن دارتغینلیغینگ اساسی سبأپلری نینگ باردیغینی گؤریأرس. اساس تایدان آمریکانینگ ۱۹۵۲-نجی ییلدا ناتوآ آغضا بۇلماغیندان بأری تۆرکیه بیلن آسیمتریک قاتناشیق اتمه ک باراداقی تاغاللاسی اۆنسلری اؤزۆنه چکیأر. اِمما تۆرکیأنینگ اساسان عادالات و اؤسۆش حزبی نینگ حأکیمیه تینگ باشینا گلمه گی بیلن بیرلیکده قاراشسیز سیاسات آلیپ بارماغی، تۆرکیأنینگ بأحبیتلرینه باپ گلیأن توتوم آلیپ بارماغی آمریکا تاراپیندان هنیزم قابول ادیلمه دی.

کنوانسیونل تایدان بۇلسا آمریکانینگ فت الله چی ترور قوراماسی فتؤنینگ یۇلباشچیسی فتع الله گۆلنی ایزینا برمه‌زلیگی حقوقی تایدان ایشه گیریشمه‌زلیگی و پنسیلوانیادا ارکین یاغدایدا یاشاماغینی اۆپجۆن اتمه گی اؤزآرا قاتناشیقلارا یاراماز تأثیرینی یتیریأن اساسی سبأپلردن بیریدیر. تۆرکیه، آمریکانینگ شۇل بیر واغتدا سوریه ده آشاچی ترور قوراماسی پ. ک. ک نینگ سوریه دأکی بؤلۆمی ی. پ. گ بیلن بیله لیکده حرکت اتمه گینی، اۇلاری یرلی حیذماتداش حؤکمۆنده ایغلان اتمه گی، حاربی تعلیم و یاراغ کؤمِگینی برمه گینی قابول اتمه یأر. ترور قوراماسی پ. ک. نینگ تۆرکیأنینگ گۆن اۇرتا سرحدینده تأثیری نینگ گۆیچلندیریلمه گی تۆرکیأنینگ میللی جبیسلیگی تایدان حۇوپ عمله گتریأر. ایکی یوردونگ آراسیندا اۇنسوز هم دارتغینلی گۆنلرینگ باشدان گچیریلیأن دؤورۆنده یۆزه چیقان برانسون واقاسی بیلن اف- ۳۵ دارتغینلیغی حاص دا یۇقارلاتدی.

آمریکان سنا مجلیسی نینگ آغضالاری سۇنگقی دؤوۆرده برانسون ینگ اؤی توسساغلیغیندا ساقلانماغی تۆرکیأنینگ روسیادان اس- ۴۰۰ هۇوادان قۇرانیش اولغاملارینی ساتین آلجاقدیغی تۆرکیأ قارشی توتوم آلیپ باریاردی. سنانینگ آغضالاری بیلن شۇل بیر  واغتدا آق تام هم برانسون ینگ بوشادیلماغی مسئله سینده توتان یرلی توتوم آلیپ باریار. آمریکانینگ جمهورباشلیغی دونالد ترامپ، تۆرکیأنینگ جمهورباشلیغی بیلن گچیرن تلفن دوشوشیغیندا روحانی برانسون ینگ بۇشادیلماغینی طالاپ ادیپدی. آمریکانینگ جمهورباشلیغی مونینگ بیلن هم چأکلِنمأن توییتر آرقالی برانسون ینگ بۇشادیلماغینی طالاپ اتدی. تۆرکیه ده یاشایان روحانی برانسون ۲۰۱۶-نجی ییلینگ ۱۵-نجی ایولیندا فتؤ نینگ آغدارلیشیق سینانشیغیندان سۇنگ فتؤ و ترور قوراماسی پ. ک. ک بیلن آراباغلانشیغی نینگ باردیغی سبأپلی قاضیه ت ایش قۇزغالدی. آمریکاداقی اوانجیلیستلرینگ قۇلداوینی ییتیرمه زلیک اۆچین آمریکانینگ جمهورباشلیغی نینگ اۇرونباساری مایک پچنس مسئله حاقیندا برن بیاناتیندا تۆرکیه ده ۲ ییلدان بأری قاضیه ت ایشی دۇوام ادیدن برونسون ینگ بوشادیلماغینی طالاپ اتدی و تۆرکیأ چأکلندیرمه قۇیماق بیلن حمله آتدی. تۆرکیأنینگ داشاری ایشلر وزیری مولود چاووش اوغلی  بۇلسا آمریکانینگ آبای سیاساتلارینا و حمله لرینی تۆرکیأنینگ بۇیون اگمه جکدیگینی آیتدی و تۆرکیه دأکی قاضیه ت اتابی نینگ قاراشسیز یاغدایدا دۇوام ادیأندیگینی و آمریکانینگ طالاپلاری نینگ عادالاتینگ قاراشسیزلیغی یؤره‌لگِه سینه باپ گلمه یأندیگینی بیلدیردی.

آمریکا تۆرکیأنینگ عادالات و ایچری ایشلر وزیرلرینی تۆرکیأ قۇیان چأکلندیرمه قارارلارینا دگیشلی اتدی. بو قارارینگ ایزی یانیندان آمریکانینگ تۆرکیأ قارشی ایقدیصادی ساواشی باشلادی. تۆرک بازارلاری بیلن والیوتا کورسلاری نیشانا آلینماغا باشلاندی. ایقدیصادی هۆجۆملر سبأپلی تۆرکیأنینگ مرکزی بانکی مؤهۆم قارارلار قابول اتدی  و تۆرک لیراسی نینگ هۆممه دینی قۇراپ ساقلاماغینگ عهده سیندن گلدی. ۷ لیرادان گچن بیر دلارینگ باهاسی ایندی ۶ لیرادان هم آشاقلادی.

تۆرکیأ قارشی ایقدیصادی ساواشینگ ایغلان ادیلن ساغاتلاریندا غازنا و مالیه وزیری برات آل بایراق بیر تاراپدا تۆرکیأنینگ تأزه ایقدیصادی مدلی حاقیندا ماغلومات بردی. برات آل بایراق بیر تاراپدان تأزه ایقدیصادی مدلی حاقیندا ماغلومات بریأرکأ بیله کی تاراپدان آمریکانینگ جمهورباشلیغی دونالد ترامپ تۆرکیه دن ساتین آلیان پولات و آلومینیوما قۇشماچا سالغیت قۇیاندیغینی ایغلان اتدی. ترامپ ینگ بیاناتی والیوتا کورسلارینا تأثیر یتیرن بۇلسا دا تۆرک لیراسی یانگاداندان هۆممِه‌دینی قۇراپ ساقلاماغی اۆچین دگیشلی چأره لر گؤرۆلدی.

ترامپ بیر تاراپدا تۆرکیأ قارشی سانکسیا قۇییار، بیله کی تاراپدا هم حیتای بیلن هم ایقدیصادی ساواشینی دۇوام اتدیریأر. ترامپ تۆرکیأ قارشی قۇیان سالغیدیندئان بیرنأچه گۆن سۇنگ حیتای تۆرکیه دن و روسیادان یرلی پول بیرلیکلری بیلن آلومینیوم و دمیر آلجاقدیغینی مألیم اتدی.

تۆرکیأنینگ آمریکانینگ ایقدیصادی ساواشینا سزه ور بۇلماغیندان سۇنگ، روسیا بیلن ایران هم تۆرکیأ قۇلداو بریأن بیاناتلار بردی.

تۆرکیه اۆچین ایقدیصادی تایدان اساسی بازار بۇلان اوروپا بیله له شیگی نینگ توتومی آمریکانینگ سانکسیاللارینی دۇوام اتدیرمه ک ایسله یأندیکلرینی مألیم اتدی.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار