پوتین قازاغیستان دا

قازاغیستان ینگ جمهورباشلیغی قاسیم جوُمارت توُقایف بیلن روسیانینگ یوُلباشچیسی ولادیمیر پوتین تأزه گلوبال شرطلرده استراتژیک حیذماتداشلیغینگ چونگلاشدیریلماغی بیلن باغلانشیقلی ایلالاشیغا قوُل چکدی.

پایتاغت آستانادا رسمی ساپار گچیرن پوتین توقایف تاراپیندان آق اوُردا کؤشگۆنده دابارا بیلن قارشیلاندی.

توُقایف روسیانینگ "ایناملی بیر استراتژیک اوُرتاق و حیذماتداش" بوُلاندیغینی آیتدی.

پوتین بوُلسا قازاغیستانی "ایناملی دوُست و اینگ یاقین اوُرتاق" دییپ تانیتدی.

پوتین بیلن توُقایف دوشوشیقدان سوُنگرا قازاغیستان و روسیانینگ آراسیندا "تأزه گلوبال ترتیب شرطلرینده استراتژیک حیذماتداشلیغی چونگلاشدیرماق" بیلن باغلانشیقلی اوُرتاق شرطناما قوُل چکدی.

ایکی یوردونگ آراسیندا انرژی، گۆمرۆک، ساغلیغی قوُراییش، سیاحاتچیلیق، ساپاق بریش، حقوق، قورلوشیق، اکولوژی، قاتناو و لجستیک یالی پوداقلاردا 20 حیذماتداشلیق شرطناماسینا قوُل چکیلدی.