تۆرک یورتلاری نینگ عادالات وزیرلری قازاغیستان دا

تۆرکیأنینگ عادالات وزیری تۆرک دؤولتلری قوراماسی نینگ عادالات وزیرلری نینگ گنگه شی نینگ بیرینجی ماصلاحاتینا قاتناشدی.

ییلماز تونچ قازاغیستان دا گچیریلن ماصلاحاتدا تۆرکیأنینگ، غزه ده قیرغینچیلیق ادیأن ایسرائیللی ماقاملارینگ جزالاندیریلماغی اۆچین گؤره‌شجکدیگینی آیتدی.

تۆرکیأنینگ غزه دأکی قیرغینچیلیغی دوروزماقث اۆچین ادن تاغاللالاری حاقیندا دا ماغلومات برن ییلماز توچ "تۆرکیه، جمهورباشلیق رجب طیب أردوُغان ینگ یوُلباشچیلیغیندا فلسطین ده آقیان قانی دوروزماق اۆچین اولی دیپلماسی تاغاللاسینی ادیأر" دیدی.

ایسرائیلا قارشی آچیلان قیرغینچیلیق دعوی سینه قاتناشماق اۆچین 7-نجی آگوست دا رسمی یاغدایدا یۆز توتاندیقلارینی یاتلادان تونچ "بیز تۆرکیه حؤکمۆنده ایسرائیللی ماقاملارینگ جزالاندیریلماغی اۆچین تاغاللامیزا دوُوام ادریس" دیدی.

تۆرک وزیر، تۆرک یورتلاری نینگ آراسینداقی عادالات و قاضیه ت پوداغیندا حیذماتداشلیغینگ أهمیتینه ده اۆنس چکدی و "تۆرک دۆنیأسی حؤکمۆنده، بو پوداقلارینگ یانیندا عدالات پوداغیندا یورتلار آراسینداقی حیذماتداشلیغی دا یوُقارلاتمالیدیرس" دیدی.

ییلماز تونچ تۆرکیأنینگ ترورچیلیق بیلن گؤره ش مسئله سینده تۆرک یورتلاری قوراماسینا آغضا بوُلان اۆلکه لردن قوُلداوا قاراشیاندیغینی دا آیتدی.