نعمان قورتولموش ملازگرد ینگیشینی قوتلادی
قورتولموش ملازگرد ینگیشی نینگ 953-نجی ییلی میناسیبتلی یازماچا بیانات بردی
![نعمان قورتولموش ملازگرد ینگیشینی قوتلادی](http://cdn.trt.net.tr/images/xlarge/rectangle/b5aa/3045/3175/66b31eb189fc2.jpg?time=1728089511)
تۆرکیأنینگ بیک میللت مجلیسی نینگ باشلیغی نعمان قورتولموش ملازگرد ینگیشی نینگ 953-نجی ییلینی قوتلادی.
قورتولموش ملازگرد ینگیشی نینگ 953-نجی ییلی میناسیبتلی یازماچا بیانات بردی.
بیاناتیندا تۆرک دۆنیأسی نینگ بو أهمیتلی گۆنۆنی قوتلایان قورتولموش ملازگرد ینگیشی نینگ تاریحینگ بویسانچ صاحیپالاریندان بوُلاندیغینی آیتدی و آناتولی نی واطان ادن آتالارا مینتدارلیق بیلدیردی.
تۆرکیأنینگ بیک میللت مجلیسی نینگ باشلیغی آدینی تاریحا آلتین حارپلار بیلن یازدیران اولی یوُلباشچی سلطان آلپ آرسلان -ی دا یاتلادی.
تۆرک تاریحی تایدان اولی یره ایه بوُلان ملازگرد ساواشی 26-نجی آگوست دا 107-نجی میلادی ییلیندا سلچوقلی تۆرکمن لر بیلن بیزانس امپراتورلیغی نینگ آراسیندا گچدی.
شو واغتقی بیتلی ولایاتی نینگ آحلات شهری و موش ولایاتی نینگ ملازگرد شهرلرینده گچن ساواشدا تۆرکمنلر- تۆرکلر باتیرغای یاغدایدا بیزانس قشونینی ینگدی و آناتولی نینگ قاپیسی تۆرکمنلره- تۆرکلره آچیلدی.