اوُرتاآسیانینگ انرژی وزیرلری قازاغیستان دا دوشوشدی

اوُرتاآسیا یورتلاری نینگ انرژی وزیرلری ایلکینجی گِزه ک قازاغیستان ینگ پایتاغتی آستانادا ماصلاحات گچیردی.

ماصلاحاتینگ آچیلیش داباراسیندا سؤز آلان قازاغیستان ینگ انرژی وزیری انرژی حیذماتداشلیغی نینگ اؤسدۆریلمه گی و اوُرتاآسیا یورتلاری نینگ آراسینداقی قاتناشیقلاری گۆیچلندیرمه گینگ أهمیتینه اۆنس چکدی.

آلماس آدام ساتقالی یف اوُرتاآسیا یورتلاری نینگ انرژی پوداغینی داشاری یورتلارا ساتماغی بیلن باغلانشیقلی قینچیلیقلارینی دا یاتلاتدی و انرژی اۆپجۆنچیلیگی نینگ همیشه لیک بوُلماغینی قوُراپ بیلمه ک و نبیت و طبیغی گازینگ قیممات باهالاری نینگ بو قینچیلیقلاردان بیری بوُلاندیغینی آیتدی.

ساتقالی یف انرژی حوُوپسوزلیغی اۆچین اؤنگدن گؤرۆجیلیگینگ أهمیتینه اۆنس چکدی و اوُرتاآسیا یورتلاری نینگ انرژی مسئله سینده حیذماتداشلیغی نینگ أهمیتلیدیگینی آیتدی.

دوشوشیغا قاتناشان تۆرکمنیستان ینگ قازاغیستان داقی ایلچیسی رجبوف آشغابادینگ انرژی پوداغیندا حیذماتداشلیق اتمه گینگ مۆمکینچیلیکلری و یوردونگ بای انرژیسی حاقیندا چیقیش اتدی.

ماصلاحاتینگ آخیریندا اوُرتاآسیانینگ انرژی وزیرلری حیذماتداشلیق رسمی‌ناماسینا قوُل چکدیلر.