اؤزبگیستان ینگ یوُلباشچیسی قطرده ساپاردا بوُلدی

اؤزبگیستان ینگ جمهورباشلیغی شوکت میرضیایف دؤولت ساپاری بیلن قطرده بوُلیار.

اؤزبک یوُلباشچی شیخ حمد حالقارا قوُنالغاسیندا قطرینگ داشاری ایشلر وزیری محمد بن عبدالعزیز الخلیفی و بیله کی رسمی ماقاملار تاراپیندان قارشیلاندی.

میرضیایف رسمی قارشیلاما داباراسیندان سوُنگرا قطرینگ یوُلباشچیسی شیخ تمیم بن حمد آل ثانی بیلن اؤزآرا دوشوشیق گچیردی.

بو دوشوشیقدا ایکی یوردونگ قاتناشیقلاری باراسیندا دوُلولیغینا گِنگِه‌شیلدی.

اؤزآرا دوشوشیقدان سوُنگرا ایکی یوردونگ آراسیندا کؤپ سانلی ایلالاشیق شرطناماسینا قوُل چکیلدی.

شوُل ایلالاشیق شرطنامالارینا گؤرأ اؤزبگیستان ینگ حؤکۆمتی بیلن قطر دؤولتی نینگ حؤکۆمتی سیاحاتچیلیق و ایشه‌وۆرلیک اوغورلاریندا حیذماتداشلیق ادر.

اؤزبگیستان ینگ دیکه‌لدیش و اؤسۆش غازناسی بیلن قطر دؤولتی نینگ مایاقوُیوم آژانسی آراسیندا مایاقوُیوم حیذماتداشلیغی یوُلا قوُیولار.

اؤزبگیستان بیلن قطر دینی اوغوردا دا ایشلِه‌شِر.

اؤزبگیستان ینگ جمهورباشلیغی، دوحه ده گچیریلیأن اکسپو 2023 بۆتین دۆنیأ اکسپو فوآرینا دا باریپ گؤردی.

شوکت میرضیایف بو یرده اؤزبگیستان ینگ پاویونی بیلن یاقیندان تانیشدی.