آذربایجان: قاراباغ داقی ارمنی یاشاییجیلار دین و اینانچ ارکینلیگینه ایه بوُلجاق‌دیر

آذربایجان ینگ جمهورباشلیقلیق اداراسی قاراباغ داقی ارمنی یاشاییجیلارینگ دینی و اینانچ ارکینلیگینه ایه بوُلجاقدیغینی و اؤز دیللرینی اولانیپ بیلجکدیکلرینی بیلدیردی.

آذربایجان، سازلانشیق اتابی بارادا یازماچا بیانات چاپ اتدی.

بو بیاناتدا، سازلانشیق اتابی نینگ آذربایجان ینگ توُپراق بیتولیگی و قاراشسیزلیغی نینگ اساسیندا آذربایجان ینگ اساسی قانون و اولغاملاری و حالقارا وظیپه لری آرقالی دوُوام اتجکدیگی بیلدیریلدی.

ارمنی یاشاییجیلارینگ یاشایان یرلرینده ایشلر آذربایجان ینگ جمهورباشلیغی نینگ یؤریته وکیلی تاراپیندان دوُلاندیرلار.

شوُل یرلرده شهر حأکیملیکلری قورلار و سایلاولار گچیرلر.

قاراباغ ینگ آسودالیغینی آذربایجان ینگ ایچری ایشلر وزیرلیگی یرینه یتیرر و ارمنی یاشاییجیلار دا بو وزیرلیکده ایشه گیریپ بیلر.

قاراباغ داقی اوُقووجایلاری، ساغلیغی قوُراییش مرکزلری، انرژی، طبیغی گاز، سوو، یوُل و آراقاتناشیق یالی اساسی قورلوشیقلار دا آذربایجان ینگ بیله‌کی یرلری یالی یاغدایا گتیرلر و گۆمرۆک و سالغیت بارادا ینگیللیکلر دؤره‌دیلر.

قاراباغ دا آذربایجان ینگ پولی بوُلان مانات اولانیلار و ارمنی اکینچیلره ده قوُلداو بریلر.

ارمنی یاشاییجیلار اؤز مدنیتی قوُراپ بیلر و دینی اینانچ ارکینلیگینه ایه بوُلار.