کرکوک دا تۆرکچه رسمی دیل بوُلدی

عیراغینگ کرکوک ولایاتی نینگ حأکیملیگی تۆرک دیلی نینگ رسمی دیل بوُلاندیغینی یانگاداندان بیلدیریپ رسمی یرلرده و تابلولاردا تۆرک دیلی نینگ اولانیلماغی حاقیندا یازماچا بیانات بردی.

شیله لیک بیلن بو ولایاتینگ دؤولت قورامالاری رسمی یازیشمالاردا، تابلولاردا و ترافیک یازوولاریندا تۆرک دیلینی ده قوُشمالی بوُلدی.

تۆرک دیلی موندان بیلأک رسمی کاغیذلاردا و مهرلرده ده اولانیلار.

عیراغینگ اساسی قانونینا گؤرأ تۆرکمنلرینگ انه دیلی بوُلان تۆرکمنچه رسمی دیللرینگ آراسیندا.

عیراغینگ اساسی قانونینا گؤرأ عاراپچا و کۆرتچه بیلن بیرلیکده، تۆرکمنچه و سریانی یالی دیللر ده یاشاییجیلاری نینگ کؤپ بوُلان یرلرینده رسمی دیل.

عیراق دا کؤپ سانلی تۆرکمن یاشایار. کرکوک شهری تۆرکمنلرینگ قادیم یاشاییش یرلریندن بیری.