یاراغلی ارمنیلر آذربایجان ینگ ایسله گلرینی قابول اتدی

آذربایجان گچن گۆن یورت سرحتلری نینگ ایچرسینده "اساسی قانون دۆزگۆنینی یانگاداندان یرینه یتیرمه ک" ماقصادی بیلن قاراباغ دا ترورچیلیق بیلن گؤره‌ش حرکتینی باشلادیپدی.

حرکتینگ ماقصادینا یتندیگی حابار بریلیأر.

بؤلگه دأکی یاراغلی ارمنیلر آذربایجان ینگ ایسله گلرینی قابول اتدی.

آذربایجان ینگ قوُرانماق وزیرلیگی ایلالاشیغا یتندیکلرینی مألیم اتدی.

ایلالاشیغا گؤرأ قاراباغ داقی ارمنیستان ینگ یاراغلی گۆیچلری یاراغینی تاشلایار، قالیان یرلرینی بوُشالدیار و دوُلی یاغدایدا یاراغسیز بوُلیار. بۆتین یاراغلار دا تاپشیریلیار. روسیانینگ پاراحاتچیلیق قوُراییجیلاری دا بو یاغدایا شایاتلیق ادیأر.

حالقارا حقوغا گؤرأ قاراباغ آذربایجان ینگ توُپراغی‌دیر.

کؤپ سانلی آذربایجانلی نی شهیت ادیپ قاراباغ ی اشغال ادن ارمنیستان گۆیچلری 2020-نجی ییلدا 44 گۆنلۆک ساواشدا ینگیلیپدی.

شیله لیک بیلن آذربایجان اؤز توُپراغینی اشغال دان آزات ادیپدی.