اوُرتاآسیا یورتلاری نینگ یوُلباشچیلاری تأجیگیستان دا دوشوشدی
اوُرتاآسیا اۆلکه لری نینگ یوُلباشچیلاری ماصلاحاتینگ آحیریندا اوُرتاق بیان ناما قوُل چکدی
اوُرتاآسیا اۆلکه لری نینگ باش‌توتانلاری تأجیگیستان ینگ پایتاغتی دوشنبه ده دوشوشیق گچیردی.
تأجیگیستان ینگ جمهورباشلیغی امامعلی رحمان ینگ یر ایه چیلیگینده گچیریلن ماصلاحاتا تۆرکمنیستان ینگ جمهورباشلیغی سردار بردی محمدوف، اؤزبگیستان ینگ جمهورباشلیغی شوکت میرضیایف، قازاغیستان ینگ جمهورباشلیغی قاسیم جوُمارت توُقایف، قیرغیزیستان ینگ جمهورباشلیغی صد جباروف و حوُرماتلی میهمان حؤکمۆنده آذربایجان ینگ جمهورباشلیغی الهام علی یف قاتناشدی.
اوُرتاآسیادا کؤپ تاراپلایین حیذماتداشلیغی حاص دا گِنگِلتمه‌ک، سیاسی گِپله شیکلری اؤسدۆرمه‌ک، تیجارت، مایاقوُیوم، اولاغ- قاتناو، انرژی، اوُبا حوُجالیق و اکولوژی اوغورلاریندا بیله لیکده ایشله‌شمه ک یوُلباشچیلارینگ ماصلاحاتی نینگ گۆن ترتیبینه گتیریلدی.
اوُرتاآسیا اۆلکه لری نینگ یوُلباشچیلاری ماصلاحاتینگ آحیریندا اوُرتاق بیان ناما قوُل چکدی.
بو ماصلاحاتدا تأجیگیستان، تۆرکمنیستان و اؤزبگیستان آراسیندا کریدور مسئله سینده ایلالاشیغا قوُل چکیشلدی.
اوُرتاآسیا و آذربایجان ینگ جمهورباشلیقلاری دوشنبه ده یورتلاری نینگ اؤنۆمچیلیک سرگیسینی ده یاقیندان گؤردی.
