ایران تۆرکمنیستانا بِرگیسینی تؤلِه‌دی
بردی‌محمدووینگ تهرانا ادن ساپاری ایکی اۆلکه اۆچین بأحبیتلی بوُلدی
تۆرکمنیستان ینگ حالق ماصلاحاتی نینگ باشلیغی قوربان قولی بردی محمدوف ایران ینگ پایتاغتی تهران دا ایش ساپاریندا بوُلدی.
ایکی یوردونگ یوُلباشچیلاری نینگ دوشوشماغیندان سوُنگرا ایران بیلن تۆرکمنیستان ینگ آراسیندا ایکی ایلالاشیق شرطناماسینا قوُل چکیلدی.
شوُل ایلالاشیق شِرطنامالارینا گؤرأ تۆرکمنیستان بیلن ایران ترانزیت، حالقارا کریدورلار، انرژی، اکرانچیلیق اؤنۆملری نینگ داشاساتووی، الکتریک توُغی، تعلیم تربیه و مایاقوُیوم پوداقلاریندا ایشله‌شِر.
ایران ینگ جمهورباشلیغی ابراهیم رئیسی ایکی یوردونگ چونگ اوُرتاق مدنیت میراثینا ایه دیگینی آیتدی و تهران بیلن آشغابادینگ آراقاتناشیغی نینگ سوُنگقی ایکی ییلدا اؤرأن یوُقارلاندیغینا بویسانچ بیلدیردی.
رئیسی تۆرکمنیستان بیلن ایران ینگ سوو مسئله‌سی و دوُستلیق بندی یالی حیذماتداشلیغی نینگ بیله کی یورتلارا گؤرِه‌لده بوُلوپ بیلجکدیگینی ده آیتدی.
تۆرکمنیستان ینگ حالق ماصلاحاتی نینگ باشلیغی قوربان قولی بردی محمدوف دا ایران ینگ جمهورباشلیغینا میهمان‌سؤیرلیگی اۆچین ساغ بوُلسون آیدیپ ایکی یوردونگ دوُست دوُغانلیق قاتناشیقلاری نینگ دۆیپلی بوُلاندیغینی بیلدیردی.
ایران ینگ نبیت وزیری جواد اوجی دا ایران ینگ تۆرکمنیستانا بوُلان برگیسینی تؤلأندیگینی آیتدی.
اوجی 20 آی بوُیونچا تۆرکمنیستانا بوُلان برگی نینگ اۆچ بؤلِه‌کده تؤلِه‌نِندیگینی حابار بردی.
تۆرکمنیستان دان طبیغی گاز ساتین آلیان ایران ینگ 1 میلیارد 650 میلیون دلار برگیسی نینگ بوُلاندیغی حابار بریلیأردی.
شوُل مسئله تۆرکمنیستان بیلن ایران ینگ انرژی پوداغینداقی قاتناشیقلارینا پأسگِل بریپدی.
ایران ایندی بوُلسا تۆرکمنیستان ینگ طبیغی گازینی آذربایجانا سوآپ ادیأر.
ایکی یورت ییلدا 2 میلیارد مکعب متر تۆرکمن گازی نینگ سوآپ آرقالی آذربایجانا یتیریلمه‌گی باراسیندا ایلالاشیپدی.
