امینه أردوُغان آذربایجان ینگ مجلیسی نینگ باشلیغی بیلن دوشوشدی

تۆرکیأنینگ جمهورباشلیغی رجب طیب أردوُغان ینگ حانیمی امینه أردوُغان، بیرلشن میللتلر قوراماسینداقی 30-نجی مارت حالقارا "زیر-زیبیل‌سیز گۆن" داباراسینا قاتناشماق اۆچین آمریکانینگ نیویورک شهرینه باردی.

امینه أردوُغان نیویورک دا آذربایجان ینگ میللی مجلیسی نینگ باشلیغی صاحیبه غفورووا بیلن دوشوشدی.

نیویورک داقی تۆرک اؤیۆنده بوُلان بو دوشوشیغا تۆرکیأنینگ داشاری ایشلر وزیری مولود چاووش اوُغلی دا قاتناشدی.

أردوُغان دوشوشیق حاقیندا داشقی قورشاو و دۆنیأنینگ آراسسا ساقلانماغی و اقلیم مسئله سینده بیله لیکده ایشله‌شمه‌ک مسئله سینه اۆنس چکدی.

2022-نجی ییلینگ 14-نجی دکابریندا تۆرکیه "صفر زیر زیبیل" یا دا "آراسسا دۆنیأ" قارارینی بیرلشن میللتلر قوراماسینا هؤدۆرلأپدی. 105 یورت تاراپیندان قوُلداو بریلن بو پروژه قوراما تاراپیندان قابول ادیلیپدی.

قورامانینگ عمومی ماصلاحاتی دا 30-نجی مارت گۆنۆنی "حالقارا زیر-زیبیل سیز گۆن" ایغلان ادیپدی.