یر تیتره مه سیندن سوُنگرا، آذربایجان ینگ تۆرکیأ کؤمِکلری دوُوام ادیأر

آذربایجان ینگ داشاری ایشلر وزیری جیحون بایراموف تۆرکیه دأکی یر تیتره مه سیندن ضلل گؤرِن یرلرده 100 میلیون دلار بیلن اؤی سالجاقدیقلارینی آیتدی.

بایراموف اوروپا بیله له شیگی کمیسیونی و اوروپا بیله له شیگی نینگ واغتلایین باشلیغی سوئدینگ یر تیتره مه سیندن ضلل گؤرِن تۆرکیأنینگ ولایاتلارینا کؤمِک اۆچین بلژیک ده بروکسل ده قوران حالقارا کؤمِکچیلر کنفرانسینا قاتناشدی.

بایراموف بو کنفرانسدا یر تیتره مه سیندن قیسغا واغت سوُنگرا تۆرکیأ بارلاغ- حالاص ادیش و لوقمانچیلیق توُپارلاریندان عیبارات بوُلان 940 آدامی ایبرندیکلرینی یاتلاتدی.

بایراموف تۆرکیأ 5 مۆنگ 300 تن انسانی کؤمِک یتیرندیکلرینی و 45 میلوین دلار نقدی کؤمِک ده قوُوشوراندیقلارینی آیتدی.

آذربایجان ینگ موندان سوُنگرا دا دوُغانلیق یورت تۆرکیأنینگ یانیندا بوُلجاقدیغینی یاتلادان بایراموف، یر تیتره مه سینده ضلل گؤرِن یرلرینگ یانگاداندان دیکه دیلمه گی اۆچین مادی و تکنیک قوُلداو برمأگه دوُوام اتجکدیکلرینی نیغتادی و "آذربایجان 100 میلیون دلار مؤچبرینده بودجه بیلن تۆرکیه ده شوُل یرلرده اؤی، دؤولت قوراماسی و اوُقووجایی سالار" دیدی.