آذربایجان ینگ جمهورباشلیغی آلمانیادا

آلمانیانینگ باش وزیری اولاف شولتس آذربایجان ینگ هم آلمانیا اۆچین هم ده اوروپا بیله له شیگی اۆچین أهمیتی یوُقارلایان حیذماتداش بیر یورت بوُلاندیگینی آیتدی.

آذربایجان ینگ جمهورباشلیغی الهام علی یف بیلن آلمانیانینگ باش وزیری اولاف شولتس پایتاغت برلین ده دوشوشدی.

دوشوشیقدان سوُنگرا اوُرتاق مطبوغات کنفرانسی گچیریلدی.

دوشوشیقدا ایکی یوردونگ حیذماتداشلیغی نینگ اؤسدۆریلمه‌گی بارادا گنگه شندیکلرینی آیدان شولتس، آذربایجان بیلن اوروپا بیله له شیگی نینگ ده آذربایجان بیلن قاتناشیقلارینی اؤسدۆرمه ک ایسله یأندیگینی آیتدی.

آلمانیانینگ ارمنیستان- آذربایجان سرحدینده بوُلان دورنوقسیزلیغا آلادا بیلدیریأندیگینی آیدان شولتس مسئله لرینگ پاراحاتچیلیقلی چؤزگۆنده قوُوشوریلمالیدیغینی و ارمنیستان بیلن آذربایجان ینگ توُپراق بیتولیگینه اساسلانیپ چؤزگۆت اؤندۆریلمه‌لیدیگینی آیتدی.

آذربایجان ینگ جمهورباشلیغی دا پاراحاتچیلیق اۆچین ارمنیستانا تکلیپ برندیکلرینی و ارمنیستان ینگ موندان پیدالانمالیدیغینی آیتدی.

اوروپا بیلن طبیغی گاز حاقدا حیذماتداشلیق ادیأندیکلرینی یاتلادان علی یف،

"اوروپا طبیغی گاز ساتوویمیزی یوُقارلادیاریس. شو واغت اوروپا 8 میلیارد مکعب متر گاز ایبریأریس، شو ییل بو موقداری 12 میلیارد مکعب متره یتیرمه ک ایسله یأریس. بو بیزینگ طبیغی گاز داشاساتوویمیزینگ یاریسی" دیدی.

الهام علی یف آلمانیالی ایشه وۆرلری ده آذربایجانا چاغیردی.