تۆرک دۆنیأسی و بۆتین دۆنیأ یر تیتره مه سی سبأپلی تۆرکیأ دویغوداشلیق بیلدیریأر

تۆرکیه ده دانگ بیلن ساغات 04.17-ده 7.7 ریشتر اولولیغیندا یر تیتره مه سی بوُلدی.

یر تیتره مه سی تۆرکیأنینگ 10 ولایاتینا یوُقاری درجه ده ضِلِل بردی.

یر تیتره مه سیندن سوُنگرا آذربایجان ینگ جمهورباشلیغی الهام علی یف رجب طیب أردوُغانا دویغوداشلیق بیلدیردی.

آذربایجان ینگ جمهورباشلیغی بو یر تیتره مه سی سبأپلی قینانچ بیلدیردی و أردوُغانا "بو قین واغتلاردا هر حیلی کؤمِگی یتیرمأگه طایاردیرس. سیزه، آرادان چیقانلارینگ ماشغالا و قارینداشلارینا، دوُغانلیق تۆرکیه حالقینا اؤز آدیمدان و آذربایجان ینگ حالقی نینگ آدیندان قینانچ بیلدیریأرین" دییپ حاط اوغراتدی.

آذربایجان ینگ قوُرانماق وزیری ذاکر حسنوف دا تۆرکیه دأکی یر تیتره مه سی سبأپلی تۆرک ایشدشی خلوصی آقارا دویغوداشلیق بیلدیردی.

آذربایجان ینگ داشاری ایشلر وزیرلیگی ده یر تیتره مه سی سبأپلی قینانچ بیلدیردیب و آذربایجان ینگ همیشه تۆرکیأنینگ یانیندا بوُلاندیغینی بیلدیردی.

دمیرقازیق قبرس تۆرک جمهوریتی نینگ جمهورباشلیغی ارسین تاتار دا قبرس ینگ تۆرک حالقی نینگ آدیندان تۆرکیأنینگ بو یاغدایینا یۆره‌کدن قینانچ بیلدیردی.

تاتار تۆرکیه بیلن همیشه بیله لیکده بوُلاندیغینی سؤزلرینه قوُشدی و کؤمک اۆچین طایارلیق بیلدیردی.

قازاغیستان ینگ جمهورباشلیغی قاسیم جوُمارت توُقایف بو یر تیتره مه لرینده آرادان چیقانلار اۆچین أردوُغانا قینانچ حاطینی اوغراتدی.

توقایف دا قازاغیستان ینگ تۆرکیأ کؤمِک برمأگه طایاردیغینی آیتدی.

اؤزبگیستان ینگ جمهورباشلیغی شوکت میرضیایف، قیرغیز جمهوریتی نینگ یوُلباشچیسی صدر جباروف، ایران ینگ جمهورباشلیغی ابراهیم رئیسی، بلاروس ینگ جمهورباشلیغی آلکساندر لوکاشنکو، گامبیانینگ یوُلباشچیسی آداما بارو، اتیوپیانینگ داشاری ایشلر وزیرلیگی، سومالی نینگ قوُرانماق وزیری عبدالقادر محمد نور، اوروپا گنگه شی نینگ عمومی یازمانی ماری پیسینوویچ بوریچ، سوئدینگ داشاری ایشلر وزیری توبیاس بیلسترؤم، لتونیانینگ داشاری ایشلر وزیری ادگار رینکویچس، فرانسیانینگ داشاری ایشلر وزیری کاترین کولونا، ایتالیانینگ باش وزیری جئورجیا ملونی، ایتالیانینگ داشاری ایشلر وزیری، هلندینگ باش وزیری مارک روته و داشاری ایشلر وزیری، لیبی نینگ باش وزیری عبدالحمید دبیبه و داشاری ایشلر وزیری، عمان ینگ سلطانی هیثم بن طارق و اردن ینگ داشاری ایشلر وزیرلیگی ده دویغوداشلیق بیلدیریپ تۆرکیأ کؤمِک برمأگه طایارلیق بیلدیردی.

تۆرک دؤولتلری قوراماسی نینگ باشلیغی قوانچ بک عؤمۆرعلی یف ده یازماچا بیاناتیندا دویغوداشلیق بیلدیردی و تۆرکیه جمهوریتی حؤکۆمتی و حالقی نینگ یانیندا بوُلاندیقلارینی آیتدی.

روسیانینگ دؤولت یوُلباشچیسی ولادیمیر پوتین دا یر تیتره مه سی سبأپلی أردوُغانا قینانچ بیلدیردی.

ولادیمیر پوتین دا تۆرکیأ یر تیتره مه سی سبأپلی کؤمِک برمأگه طایاردیغینی بیلدیردی.

ایسرائیل ینگ جمهورباشلیغی اسحاق هرتزوگ دا تۆرکیه دأکی ییتگیلر سبأپلی دویغوداشلیق بیلدیردی و ایسرائیل ینگ کؤمِک برمأگه طایاردیغینی آیتدی.

ایسرائیل ینگ باش وزیری بنیامین نتانیاهو دا قینانچ حاطی اوغراتدی و لوقمانچیلیق و حالاص ادیش کؤمِکلرینی برمه ک اۆچین تاپشیرغی برندیگینی آیتدی.

فلسطین ینگ داشاری ایشلر وزیرلیگی ده تۆرکیه و سوریه بیلن دویغوداشلیق بیلدیردی.

مجاریستان ینگ جمهورباشلیغی کاتالین نوواک دا واقادان سوُنگرا دویغوداشلیق بیلدیردی.