اؤزبگیستان ینگ داشاری سؤودا مؤچبری 50 میلیارد دلارا یتدی

اؤزبگیستان ینگ داشاری یورتلار بیلن ایقدیصادی آراقاتناشیغی 2022-نجی ییلدا 18.6 گؤتریم یوُقارلادی و 50 میلیارد 8 میلیون 400 مۆنگ دلارا یتدی.

بو یوردونگ داشاساتوو (صادرات) موقداری 2021-نجی ییلا گؤرأ 15.9 گؤتریم یوُقارلادی و 19 میلیارد 309 میلیون 100 مۆنگ دلارا یتدی.

ینه اؤزبگیستان ینگ 2022-نجی ییلدا داشاری یورتلاردان آلان اؤنۆملری ده 20.4 گؤتریم یوُقارلادی و 30 میلیارد 699 میلیون 300 مۆنگ دلارا یتدی.

اؤزبگیستان اؤتن ییل 200-دن کؤپ یورت بیلن ایقدیصادی آراقاتناشیق قوردی.

اؤزبگیستان ینگ داشاساتووی نینگ 23 گؤتریمینی صناغات اؤنۆملری، 21.3 گؤتِریمینی آلتین، 20.5 گؤتریمینی حیذمات پوداغی و 8.4 گؤتریمینی ایمیت اؤزۆنه دِگیشلی اتدی.

اؤزبگیستان ینگ داشاری یورتلار بیلن ایقدیصادی قاتناشیقلاریندان اینگ اولی پایی 18.6 گؤتریم بیلن روسیا، 17.8 گؤتریم بیلن حیتای، 9.2 گؤتریم بیلن قازاغیستان، 6.4 گؤتریم بیلن تۆرکیه و 4.7 گؤتریم بیلن گۆن اوُرتا کره اؤزۆنه دگیشلی اتدی.

اؤتن ییل اؤزبگیستان ینگ تۆرکیأ داشاساتووی 11 گؤتریم آزالدی و 1 میلیارد 507 میلیون 400 مۆنگ دلارا یتدی.

تۆرکیأنینگ اؤزبگیستانا داشاساتووی دا 0.1 گؤتریم آزالدی و 1 میلیارد 716 میلیون 500 مۆنگ دلارا یتدی.