تۆرک دۆنیأسی و مسلمان یورتلار قران کریم‌ینگ یاقیلماغینی برک یازغاردی
آذربایجان سوئدده قرآن کریم-ه ادیلن حوُرماتسیزلیغی برک یازغاردی
آذربایجان سوئدده قرآن کریم-ه ادیلن حوُرماتسیزلیغی برک یازغاردی.
آذربایجان ینگ داشاری ایشلر وزیرلیگی، قرآن کریم-ه ادیلن حوُرماتسیزلیغینگ ییگرندیرمه گۆنأسی بوُلاندیغینی و سؤز ارکینلیگی بیلن باغلانشیغی نینگ بوُلماندیغینی بیلدیردی.
آذربایجان ینگ داشاری ایشلر وزیرلیگی نینگ توییتر حاسابیندان شیله یازیلدی:
"تۆرکیأنینگ استکهلم داقی ایلچیحاناسی نینگ اؤنگۆنده قرآن کریم-ه ادیلن ییگرنجی سؤگۆنچلری برک یازغاریاریس. سوئد حؤکۆمتینی بو ییگرنجی جنایاتی ادنلری اینگ چالت واغتدا عادالاتا تاپشیرماغا چاغیریاریس"
دمیرقازیق قبرس تۆرک جمهوریتی نینگ جمهورباشلیغی ارسین تاتار دا یازماچا بیاناتیندا سوئددأکی واقانی تانقیت اتدی.
سنگال ینگ جمهورباشلیغی مکی سال "قؤان کریم-ی یاقان آشاساغچی راسموس پالودان ینگ ییگرنجی حرکتینی برک یازغاریارین" دیدی.
سال، ییگرنچ اسلاموفوبی و مسلمانلارا قارشی ادیلن هۆجۆملره قارشی گؤره ش آلیپ باریلمالیدیر دییپ بیلدیردی.
سوریأنینگ دمیرقازیغیندا چوُپان بی و ماره ده مۆنگلرچه آدام اسلامی قیمماتلیقلارا ادیلن هۆجۆمی برک یازغاردی.
عیراق دا صدر حرکتی نینگ یوُلباشچیسی مقتدی صدر ده ادیلن هۆجۆمه قارشی بیر میلیون امضا ییغنالیپ سوئدینگ ایلچیحاناسینا ایبریلمه گینی آیتدی.
گۆن باتار تراکیادا تۆرک قوراما و قورلوشیقلار سوئدده ادیلن حوُرماتسیزلیقلاری برک یازغاردی.
تۆرک- آمریکان میللی گؤنۆکدیرمه کمیته سی ده آمریکاداقی 155 تۆرک جمغیتچیلیگی تاراپیندان سوئددأکی قرآن یاقیلماغینی برک یازغاردی.
دِگیشلی حابارلار
آذربایجان قاراباغ داقی ارمنی یاشاییجیلارا کؤمِک ایبردی
دۆین آذربایجان بیلن قاراباغ داقی ارمنی یاشاییجیلارینگ وکیللری یلواه شهرینده دوشوشیق گچیریپدی
