آذربایجان بیلن تۆرکمنیستان انرژی پوداغیندا بیله‌لیکده ایشلِه‌شِر

تۆرکمنیستان، حازار دنگیزی نینگ اۆستی بیلن تۆرکیه و اوروپا اۆلکه‌لرینه طبیغی گاز ساتماق ایسله یأر

1901587
آذربایجان بیلن تۆرکمنیستان انرژی پوداغیندا بیله‌لیکده ایشلِه‌شِر

 

آذربایجان بیلن تۆرکمنیستان انرژی پوداغیندا ایشله‌شمه‌ک اۆچین گِنگِه‌شیأر.

دۆنیأنینگ طبیغی گاز رزروی تایدان اینگ بای یورتلاریندان بیری بوُلان تۆرکمنیستان طبیغی گاز و انرژی پوداغینی تأزه اۆلکه‌لره یتیرمه‌ک ایسله‌یأر.

آذربایجان ینگ انرژی وزیری پرویز شهبازوف بیلن تۆرکمنیستان ینگ آذربایجان داقی دوُلی ایغتیارلی ایلچیسی قوربان مأممت الیاسوف ایکی یوردونگ انرژی حیذماتداشلیغی حاقیندا گِنگِشمه‌ک اۆچین دوشوشیق گچیردی.

ایکی اۆلکه حازار دنگیزیندأکی دوُستلوق یاتاغینی بیله لیکده اولانیار.

تۆرکمنیستان ایران ینگ اۆستی بیلن ده آذربایجانا طبیغی گاز ایبرمه‌ک ایسله یأر.

تۆرکمنیستان ینگ طبیغی گازی نینگ ایران ینگ اۆستی بیلن آذربایجانا سوآپ ادیلمه‌گینی ایران ینگ دؤولتی تۆرکمنیستانا تِکلیپ ادیپدی.

تۆرکمن دوُلانشیغی بوُلسا ایران ینگ بو تکلیپینه بگنچ بیلدیریپ قابول ادیپدی.

تۆرکمنیستان حأضیرکی واغتدا حیتای، ایران و روسیا بیلن طبیغی گاز سؤوداسی مسئله‌سینده ایشله‌شیأر.

پأکیستان بیلن هیندیستانا دا طبیغی گاز تورباسینی چکمه ک ایسله یأن تۆرکمنیستان، حازار دنگیزی نینگ اۆستی بیلن تۆرکیه و اوروپا یورتلارینا طبیغی گاز ساتماق ایسله یأر.



دِگیشلی حابارلار